Categories: سکولز

پشاور، گل بہار سکول کی لیب سے 10 کمپیوٹرچوری، اساتذہ کو تھانے بلا کر تفتیش

پشاور (ایجو کیشن رپورٹر) گورنمنٹ ٹیکنیکل ہائر سیکنڈری سکول گل بہار پشاور میں موسمِ گرما کی تعطیلات کے دوران کمپیوٹر لیب سے 10 سی پی یو چوری ہونے کا انکشاف ہوا ہے۔ واقعہ سامنے آنے پر سکول کے تدریسی عملے نے ڈسٹرکٹ ایجوکیشن آفیسر (مردانہ) پشاور کو درخواست دیتے ہوئے واقعے کی شفاف اور غیر جانبدارانہ تحقیقات کا مطالبہ کر دیا ہے۔

درخواست میں اساتذہ نے موقف اختیار کیا ہے کہ کمپیوٹر لیب 30 جون کو آخری ورکنگ ڈے تک مکمل فعال تھی جبکہ 29 جولائی کو بھی لیب کا تمام سامان مکمل اور سٹاک رجسٹر کی نگرانی میں موجود تھا۔ تاہم تعطیلات کے بعد لیب سے 10 سی پی یو غائب پائے گئے اور مبینہ طور پر جائے وقوعہ پر شواہد بھی ضائع کر دیے گئے۔

پرنسپل کی جانب سے قائم کردہ داخلی تحقیقاتی کمیٹی نے تدریسی عملے کو بے گناہ قرار دیا ہے، کیونکہ واردات تعطیلات کے دوران ہوئی جب عملہ سکول میں موجود ہی نہیں تھا۔ اس کے باوجود پولیس اسٹیشن گل بہار میں تفتیش کے نام پر تدریسی عملے کو مبینہ ذہنی اذیت کا نشانہ بنایا جا رہا ہے، جس سے نہ صرف تدریسی سرگرمیاں متاثر ہو رہی ہیں بلکہ اساتذہ کی ساکھ کو بھی نقصان پہنچ رہا ہے۔

اساتذہ کا کہنا ہے کہ یہ معاملہ سکول سیکیورٹی میں واضح غفلت کا ہے، لہٰذا اصل ذمہ داروں کا تعین کیا جائے اور بے گناہ عملے کو بلاجواز ہراساں کرنے سے گریز کیا جائے۔ تدریسی عملے نے ڈی ای او پشاور سے مطالبہ کیا ہے کہ واقعے کی آزادانہ تحقیقات کرا کر اصل حقائق سامنے لائے جائیں اور مستقبل میں سرکاری املاک کی حفاظت کے لیے موثر اقدامات کیے جائیں۔

درخواست میں یہ بھی انکشاف کیا گیا ہے کہ اس سکول میں چوری کا یہ پہلا واقعہ نہیں ہے۔ اس سے قبل واٹر کولر، پروفیشنل کیمرہ، اے سی کے آؤٹ ڈور یونٹس، ویلڈنگ مشین، اور ایک یو پی ایس سمیت متعدد اشیا چوری ہو چکی ہیں

urdutaleem@gmail.com

Recent Posts

گلوبل آئی ٹی سرٹیفکیشنز کے حصول کیلئے پی آئی ٹی بی کے  پورٹل پر ساڑھے 22 ہزار سے زائد درخواستیں موصول

لاہور(ایجو کیشن رپورٹر)نوجوانوں کو جدید آئی ٹی مہارتوں سے آراستہ کرنا اور عالمی سطح پر…

1 گھنٹہ ago

بین الاقوامی اسلامی یونیورسٹی میں پاگل کتے کے کاٹنے سے زخمی طالب علم سفیان عباسی جاں بحق

اسلام آباد (ایجو کیشن رپورٹر)وفاقی دارالحکومت کی بین الاقوامی اسلامی یونیورسٹی میں مبینہ طور پر…

9 گھنٹے ago

تاخیر سے کیوں آئےہو،قاری کا12سالہ طالب علم پر ڈنڈوں سے تشدد

لاہور(کرائم رپورٹر) مدرسے میں تاخیر سے پہنچنے پر قاری نے 12 سالہ طالبعلم کو ڈنڈوں…

21 گھنٹے ago

ایچی سن کالج لاہور کے بورڈ آف گورنرز کی تشکیل نو کر دی گی

لاہور(ایجو کیشن رپورٹر)پنجاب حکومت نے ایچی سن کالج کے 24 رکنی بورڈ آف گورنرز کی…

24 گھنٹے ago

نیشنل ڈیفنس یونیورسٹی کا نام تبدیل کرکے ’کنگ سلمان یونیورسٹی فار نیشنل ڈیفنس‘ رکھنے کی منظوری

لاہور(ویب ڈیسک ) خادم حرمین شریفین شاہ سلمان بن عبدالعزیز نے نیشنل ڈیفنس یونیورسٹی کا…

2 دن ago

اوورسیز پاکستانی کا 5 لاکھ کمپیوٹر ٹیبلٹ پاکستانی طلبہ کو عطیہ کرنے کا اعلان

ٹوکیو ( مانیٹرنگ ڈیسک )جاپان میں مقیم معروف سماجی و کاروباری شخصیت راشد منہاس نے…

3 دن ago