پشاور: ڈکیتی کے دوران مزاحمت پر فائرنگ، 12ویں جماعت کا طالب علم قتل، دوست زخمی
پشاور (نمائندہ خصوصی) صوبائی دارالحکومت کے علاقے رشید گڑھی میں موبائل فون چھیننے کی لرزہ خیز واردات کے دوران نامعلوم راہزنوں نے فائرنگ کر کے 12ویں جماعت کے نوجوان طالب علم کو قتل کر دیا، جبکہ اس کے دوست کو پستول کے بٹ مار کر زخمی کر دیا۔ واردات کے بعد ملزمان مقتول اور اس کے ساتھیوں سے موبائل فونز اور نقدی چھین کر باآسانی فرار ہو گئے۔
تھانہ آغا میر جانی شاہ پولیس کو درج کروائی گئی رپورٹ میں مدعی رحیم اللہ ولد یوسف خان نے بتایا کہ وہ اپنے دوستوں، 18 سالہ ہاشم اللہ اور وقاص کے ہمراہ عشاء اور تراویح کی نماز ادا کرنے کے بعد کھانا کھانے بازار گئے تھے۔ واپسی پر محلہ گلزار کالونی کے قریب موٹر سائیکل سوار دو مسلح افراد نے انہیں پستول کی نوک پر روکا اور موبائل فونز سمیت پرس چھین لیے۔
عینی شاہدین اور مقتول کے دوستوں کے مطابق، راہزنوں نے مزاحمت کرنے پر رحیم اللہ کو پستول کے بٹ مار کر زخمی کیا اور جب وہ واردات کے بعد ملزمان کو دیکھ رہے تھے تو ایک مسلح شخص نے طیش میں آکر فائرنگ کر دی، جس کے نتیجے میں گولی ہاشم اللہ کے سینے میں لگی جو جان لیوا ثابت ہوئی۔ جواں سالہ طالب علم کی ناگہانی موت پر علاقے میں کہرام مچ گیا اور گھر میں ماتم کا سماں ہے۔ پولیس نے واقعے کا مقدمہ درج کر کے ملزمان کی تلاش شروع کر دی ہے۔
پنجاب میں انٹر پارٹ 1 امتحانات کا آغاز 15 جون سے ، رول نمبر سلپس…
محکمہ تعلیم کے افسر کا غیر سنجیدہ رویہ اخلاقی گراوٹ کا ثبوت ہے، گریڈ 17…
لاہور/ملتان (نیوز ڈیسک) پنجاب بھر میں عید کی تعطیلات کے بعد ہائر سیکنڈری اسکول سرٹیفکیٹ…
کراچی کی اسناد پشاور، لاہور کی کوئٹہ منتقل؛ تصدیق کرنے والے افسر اور امیدوار دونوں…
بیجنگ (نیوز ڈیسک) چین کے ہائی اسکول کے طلبہ نے ایک منفرد اور شاندار کامیابی…
پشاور (نیوز رپورٹر) خیبر پختونخوا کے سرکاری اسکولوں میں ہندکو زبان کو نئے نصاب کا…