پنجاب آن لائن کالج ایڈمیشن سسٹم، انٹرمیڈیٹ میں داخلے کے لیے سوا دو لاکھ سے زائد درخواستیں موصول

لاہور (ایجوکیشن رپورٹر) پنجاب انفارمیشن ٹیکنالوجی بورڈ  کے ہائر ایجوکیشن ڈیپارٹمنٹ کے اشتراک سے وضع کردہ آن

لائن کالج ایڈمیشن سسٹم کے ذریعے پنجاب بھر کے سرکاری کالجوں میں انٹرمیڈیٹ داخلوں کے لیے اب تک سوا دو لاکھ

سے زائد آن لائن درخواستیں موصول ہو چکی ہیں۔

موصول ہونے والی کل درخواستوں میں طالبات کی تعداد 1 لاکھ 47 ہزار سے زائد ( 65.25 فیصد) ہے جبکہ طلباء

کی تعداد 78 ہزار ( 34.75 فیصد) ہے، جس سے ظاہر ہوتا ہے کہ تقریباً ہر تین میں سے دو درخواست دہندگان

طالبات ہیں۔ اس حوالے سے چیئرمین پی آئی ٹی بی فیصل یوسف نے اپنے بیان میں کہا ہے کہ اس جدید آن لائن نظام

سے داخلوں کے پورے عمل کو انتہائی آسان بنانے اور طویل قطاروں میں لگنے کی زحمت سے نجات دلانے میں بڑی مدد

ملی ہے۔