Educational institutions across the country to remain closed till March 31, exams to be held as per schedule
کوئٹہ/لاہور/کراچی (مانیٹرنگ ڈیسک) بلوچستان، پنجاب اور سندھ کی حکومتوں نے مختلف وجوہات اور قومی فیصلوں کے تناظر میں تمام تعلیمی اداروں کی چھٹیوں میں 31 مارچ 2026 تک توسیع کا اعلان کر دیا ہے۔
معاون خصوصی وزیراعلیٰ بلوچستان شاہد رند کے مطابق صوبے میں تعلیمی اداروں کی بندش کا فیصلہ قومی سطح پر ہونے والے فیصلوں کی روشنی میں کیا گیا ہے اور صورتحال کا مسلسل جائزہ لے کر آئندہ کا لائحہ عمل طے کیا جائے گا، جبکہ انہوں نے والدین سے بچوں کی تعلیمی سرگرمیاں گھروں میں جاری رکھنے کی اپیل کی ہے۔ دوسری جانب وزیراعلیٰ پنجاب مریم نواز نے خطے میں جاری جنگی صورتحال اور پیٹرولیم بحران کے پیشِ نظر صوبے بھر کے تعلیمی ادارے 31 مارچ تک بند رکھنے کا حکم دیا ہے،
تاہم واضح کیا گیا ہے کہ امتحانات اپنے مقررہ شیڈول کے مطابق ہوں گے اور تعلیمی ادارے آن لائن کلاسز کے ذریعے تعلیمی سلسلہ برقرار رکھ سکیں گے۔ اسی طرح سندھ کابینہ نے بھی توانائی کی بچت کے اقدامات کے تحت صوبے کے تمام اسکولوں کو 31 مارچ تک بند رکھنے کی منظوری دے دی ہے، جہاں اسکولوں کی بندش کے باوجود امتحانات پہلے سے طے شدہ وقت پر ہی منعقد کیے جائیں گے۔ صوبائی حکومتوں کا کہنا ہے کہ ان اقدامات کا مقصد موجودہ غیر یقینی صورتحال میں طلبہ اور عملے کے تحفظ کے ساتھ ساتھ توانائی کے بحران پر قابو پانا ہے
پشاور (سپیشل رپورٹر) جنوبی وزیرستان لوئر میں روزانہ کی بنیاد پر عائد کرفیو کے باعث…
کراچی (خبر نگار / این این آئی) وزیراعظم یوتھ لیپ ٹاپ سکیم کے تحت جناح…
ملتان (ایجو کیشن رپورٹر رپورٹر) صوبائی محتسب پنجاب نے ایمرسن یونیورسٹی ملتان کے وائس چانسلر…
پاکپتن(نامہ نگار) اینٹی کرپشن پنجاب نے کارروائی کرتے ہوئے محکمہ تعلیم (ایجوکیشن ڈیپارٹمنٹ) پاکپتن کے اسسٹنٹ…
اسلام آباد(سپیشل رپورٹر) ہائیر ایجوکیشن کمیشن کی اعلیٰ سطح کمیٹی نے وفاقی اردو یونیورسٹی کو…
کراچی (مانیٹرنگ ڈیسک)کراچی میں اعلیٰ تعلیم کے شعبے میں ایک نیا اور اہم باب رقم…