پنجاب بھر میں میٹرک امتحانات کل سے شروع ،دفعہ 144 نافذ ،لاہور کے 14 مراکز ‘حساس’ قرار،
لاہور (تعلیمی رپورٹر) لاہور بورڈ کے زیرِ اہتمام میٹرک کے سالانہ امتحانات کا آغاز کل (27 مارچ) سے ہو رہا ہے، جس کے لیے سیکیورٹی کے سخت ترین انتظامات مکمل کر لیے گئے ہیں۔
ذرائع کے مطابق لاہور کے 14 امتحانی مراکز کو ‘حساس’ قرار دیا گیا ہے، جن میں گورنمنٹ این ڈی اسلامیہ ہائی سکول اچھرہ، گورنمنٹ ہائی سکول برکی، گورنمنٹ سائنس کالج برکی، گورنمنٹ ہائی سکول اطوکی اعوان، گورنمنٹ ہائی سکول جلوموڑ، چونگ، مراکہ کوارٹر اور شیرشاہ کالونی کے مراکز شامل ہیں۔
لاہور کے علاوہ قصور کے 4، شیخوپورہ کے 7 اور ننکانہ صاحب کے ایک امتحانی مرکز کو بھی حساس قرار دے کر وہاں اضافی نفری تعینات کرنے کا فیصلہ کیا گیا ہے۔
امتحانی شیڈول کے مطابق پہلے روز عربی، کمرشل جغرافیہ اور تاریخ کا پرچہ لیا جائے گا۔ اس سال میٹرک کے امتحانات میں مجموعی طور پر تقریباً 2 لاکھ 50 ہزار امیدوار شرکت کر رہے ہیں،
جن کے لیے مجموعی طور پر 880 امتحانی مراکز تشکیل دیے گئے ہیں۔ شفافیت برقرار رکھنے کے لیے 26 مخصوص مراکز کی نگرانی سی سی ٹی وی (CCTV) کیمروں کے ذریعے براہِ راست کی جائے گی۔
انتظامیہ نے تمام مراکز کے گرد دفعہ 144 نافذ کر دی ہے، جس کے تحت کسی بھی غیر متعلقہ شخص کا داخلہ ممنوع ہوگا اور امیدواروں کو بھی کڑی شناخت کے بعد ہی اندر جانے کی اجازت دی جائے گی۔
واضح رہے کہ میٹرک کا آخری پرچہ 16 اپریل کو ہوگا، جس کے فوری بعد 17 اپریل سے نہم جماعت کے امتحانات کا سلسلہ شروع ہو جائے گا۔
پشاور (سپیشل رپورٹر) خیبر پختونخوا کے محکمہ آرکائیوز اینڈ لائبریریز کے چیف لائبریرین ڈاکٹر محمد…
خانیوال(نمائندہ خصوصی ) پبلک سکول اینڈ یونیورسٹی کالج میں سائیکلنگ مقابلےسائیکلنگ بچوں کی جسمانی صحت،…
تربت (نمائندہ حصوصی) گورنمنٹ گرلز ماڈل ہائی سکول تربت کی طالبات نے ریڈیو پاکستان تربت…
کوئٹہ (نمائندہ حصوصی) بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز نے اپنے سکول…
مالاکنڈ (نمائندہ حصوصی) کمشنر مالاکنڈ ڈویژن اقبال حسین باچا نے محکمہ تعلیم اور صحت میں…
ڈیرہ اسماعیل خان (نمایندہ اردہ تعلیم ڈاٹ کام) تعلیمی اداروں میں تدریسی و غیر تدریسی…