Punjab university
لاہور (تعلیمی رپورٹر) جامعہ پنجاب نے تعلیمی سیشن 2026-2027 کے لیے الحاق شدہ کالجز اور نئے اداروں کے الحاق کے لیے درخواستیں طلب کر لی ہیں۔ یونیورسٹی انتظامیہ کی جانب سے جاری کردہ اعلامیے کے مطابق، یہ درخواستیں مختلف زمروں کے تحت جمع کروائی جا سکتی ہیں
جن میں پہلے سے الحاق شدہ اداروں کی مدتِ الحاق میں توسیع، اضافی مضامین کے الحاق، اور نشستوں میں اضافے کے علاوہ مکمل طور پر نئے اداروں کے الحاق کے کیسز شامل ہیں۔ تمام سرکاری و نجی تعلیمی اداروں کو ہدایت کی گئی ہے کہ وہ 31 مئی 2026 تک اپنی درخواستیں لازمی طور پر جمع کروا دیں۔
آن لائن درخواست اور ضروری دستاویزات
یونیورسٹی نے الحاق کے عمل کو شفاف اور تیز تر بنانے کے لیے آن لائن پورٹل کا استعمال لازمی قرار دیا ہے۔ تمام خواہشمند ادارے یونیورسٹی کی آفیشل ویب سائٹ پر دیئے گئے لنک (http://www.pu.edu.pk/puac) کے ذریعے آن لائن اپلائی کر سکتے ہیں۔
آن لائن درخواست جمع کروانے کے بعد، اداروں کو درخواست کی ہارڈ کاپی مکمل کوائف اور ضروری فیسوں کے چالان کے ساتھ جمع کروانی ہوگی۔ نجی کالجز کے لیے الحاق فیس، وزٹ فیس، اور سیکیورٹی فیس مقررہ تاریخ سے پہلے جمع کروانا لازمی ہے، جبکہ سرکاری کالجز صرف وزٹ فیس جمع کروائیں گے۔
ایل ایل بی پروگرام اور تاحیر سے درخواست
نوٹیفکیشن میں واضح کیا گیا ہے کہ ایل ایل بی (5 سالہ) پروگرام کے الحاق کے لیے پاکستان بار کونسل کے مراسلہ نمبر 73/PBC/SEC/2026 مورخہ 20.01.2026 کے مطابق کارروائی عمل میں لائی جائے گی۔
مقررہ تاریخ یعنی 31 مئی کے بعد موصول ہونے والی درخواستوں پر غور نہیں کیا جائے گا، تاہم اگر کوئی ادارہ 30 ستمبر 2026 تک درخواست جمع کروانا چاہے تو اسے دوگنا فیس ادا کرنی ہوگی۔ یونیورسٹی نے خبردار کیا ہے کہ وزٹ فیس اور سیکیورٹی فیس کے بغیر موصول ہونے والی درخواستیں نامکمل تصور کی جائیں گی۔
غیر قانونی داخلوں پر سخت انتباہ
جامعہ پنجاب نے الحاق کے قواعد و ضوابط کی سختی سے پابندی پر زور دیا ہے۔ نوٹیفکیشن میں واضح طور پر کہا گیا ہے کہ یونیورسٹی کے الحاق کے بغیر کوئی بھی کالج کسی بھی پروگرام میں طلبہ کو داخلہ دینے کا مجاز نہیں ہوگا۔ مزید برآں، الحاق شدہ اداروں کو بھی یہ ہدایت کی گئی ہے
کہ وہ یونیورسٹی کی طرف سے مختص کردہ نشستوں سے زائد طلبہ کے داخلے نہ کریں۔ اگر کوئی کالج یونیورسٹی کے نام پر الحاق کے بغیر یا مختص نشستوں سے زائد داخلے کرتا ہے تو اس کے خلاف سخت قانونی کارروائی کی جائے گی اور یونیورسٹی ان طلبہ کے حوالے سے کسی بھی قسم کی ذمہ داری قبول نہیں کرے گی۔
الحاق کے قواعد و ضوابط، فیسوں کی تفصیلات، اور الحاق شدہ اداروں کی فہرست کے لیے یونیورسٹی کی ویب سائٹ وزٹ کی جا سکتی ہے۔ مزید رہنمائی کے لیے، ادارے رجسٹرار آفس، ایڈمن بلاک، جامعہ پنجاب سے رابطہ کر سکتے ہیں۔
ملک کی تعلیمی تاریخ میں پہلا بڑا قدم: پرائمری سطح پر آرٹیفیشل انٹیلی جنس لازمی…
محکمہ ہائر ایجوکیشن پنجاب میں اثر و رسوخ اور اقربا پروری کا راج؛ ڈیپوٹیشن اور…
پشاور (نیوز رپورٹر) یونیورسٹی آف پشاور نے ڈپلوما، سرٹیفکیٹ اور مختلف پروگراموں میں زیرِ تعلیم…
اسلام آباد (تعلیمی رپورٹر) قائد اعظم یونیورسٹی اسلام آباد میں مستقل وائس چانسلر کی طویل…
پشاور (نیوز رپورٹر) ایلیمنٹری اینڈ سیکنڈری ایجوکیشن نے صوبہ بھر کے تمام سرکاری اسکولوں کے…
لاہور (خصوصی رپورٹر) محکمہ خصوصی تعلیم (اسپیشل ایجوکیشن) پنجاب نے حکومت کے فلیگ شپ "ہمت…