یورپ میں تعلیم حاصل کرنے کے خواہشمند پاکستانی طلبا کے لیے اہم پیشرفت

یورپ میں اعلیٰ تعلیم حاصل کرنے کے خواہشمند پاکستانی طلبا کے لیے ایک بڑی اور اہم پیشرفت سامنے آئی ہے۔

اٹلی نے بین الاقوامی تعلیمی تعاون کو فروغ دینے اور اطالوی زبان و ثقافت کے مطالعے کی حمایت کے لیے MAECI اسکالرشپ پروگرام کا باضابطہ آغاز کر دیا ہے۔ کامیاب امیدوار یونیورسٹی آف بولونیا، ساپینزا یونیورسٹی آف روم اور پولی ٹیکنیکو دی میلان جیسی معروف جامعات میں داخلہ حاصل کر سکتے ہیں۔

مالی معاونت
MAECI اسکالرشپ کے تحت تعلیمی اخراجات کی مکمل کوریج فراہم کی جاتی ہے، جس میں شامل ہیں:

ماہانہ 900 یورو وظیفہ
سرکاری جامعات میں ٹیوشن اور انرولمنٹ فیس سے مکمل استثنا (معمولی علاقائی فیس کے علاوہ)
ہیلتھ اور حادثاتی انشورنس
اسکالرشپس 3، 6 یا 9 ماہ کے لیے دی جاتی ہیں، جبکہ طویل المدتی ڈگری پروگرامز کے لیے تجدید کی سہولت بھی موجود ہے۔

اہلیت کے معیار
پاکستانی طلبہ درج ذیل شرائط کے تحت اہل ہیں:

ماسٹرز ڈگری: عمر 28 سال سے کم اور متعلقہ بیچلر ڈگری
پی ایچ ڈی پروگرامز: عمر 30 سال سے کم، ماسٹرز ڈگری اور یونیورسٹی سے داخلہ یا قبولیت کا خط
ریسرچ پراجیکٹس: عمر 40 سال سے کم
درخواست دینے کا طریقہ
درخواستیں Study in Italy کے سرکاری آن لائن پورٹل کے ذریعے جمع کرائی جائیں گی۔ امیدواروں کو اکاؤنٹ بنا کر اہل کورس کا انتخاب اور مطلوبہ دستاویزات اپ لوڈ کرنا ہوں گی۔

 مطلوبہ دستاویزات
پاسپورٹ کی کاپی
سی وی (یوروپاس فارمیٹ ترجیحی)
تعلیمی اسناد اور ٹرانسکرپٹس
موٹیویشن لیٹر
زبان کی مہارت کا سرٹیفکیٹ (انگریزی یا اطالوی)
داخلہ یا ابتدائی قبولیت کا خط (ماسٹرز اور پی ایچ ڈی کے لیے)
ریسرچ پروپوزل (پی ایچ ڈی اور ریسرچ درخواست دہندگان کے لیے)
آخری تاریخ
تعلیمی سال 2026–27 کے لیے درخواستوں کی متوقع آخری تاریخ جون 2026 کے وسط تک ہے۔
MAECI اسکالرشپ پاکستانی طلبہ کے لیے اٹلی میں عالمی معیار کی تعلیم حاصل کرنے کا ایک بہترین موقع ہے، جہاں انہیں جامع مالی معاونت کے ساتھ تعلیمی سفر کا آغاز کرنے کا موقع ملتا ہے۔

تعلیمی ماہرین کے مطابق یہ اسکالرشپ پاکستانی طلبا کے لیے ایک سنہری موقع ہے، جس کے ذریعے وہ اٹلی کے جدید تعلیمی اور تحقیقی ماحول میں تعلیم حاصل کر کے نہ صرف اپنے مستقبل کو روشن بنا سکتے ہیں بلکہ بین الاقوامی سطح پر پاکستان کی نمائندگی بھی کر سکتے ہیں۔