لاہور(ایجو کیشن رپورٹر)پنجاب بورڈ آف ٹیکنیکل ایجوکیشن لاہور نے آپنے زیر انتظام ہونیوالے ڈپلومہ آف ایسوسی ایٹ انجینئرز،ڈپلومہ ڈریسنگ ڈیزائنگ اینڈ ڈریس میکنگ دوسرے سالانہ امتحان 2026 کے امتحانی شیڈول کا اعلان کردیا ہے پریکٹیکل امتحان کا انعقاد 18 نومبر سے جبکہ تھیوری کے پیپرز 18دسمبر سے شروع ہوں گے-
سنگل فیس کے ساتھ داخلہ فیس بینک میں جمع کروانے کے لیے 27 اکتوبر،ڈبل کے ساتھ 2نومبر جبکہ ٹرپل فیس کے ساتھ 9 نومبر مقرر کی گئی ہے۔ہارڈشپ کی صورت میں ٹرپل فیس اور یومیہ 500 جرمانے کے ساتھ 16 نومبر تک فیس بینک میں جمع کروائی جا سکتی ہے۔
اس کے بعد کوی بھی داخلہ فارم قابل قبول نہ ہو گا۔کنٹرولر امتحانات ملک عرفان قاسم کی ہدایت پر امتحانی شیڈول کے لیٹرز متعلقہ اداروں کو ارسال کر دیئے گئے ہیں ۔مزید معلومات کے لیے بورڈ کی ویب سائیٹ www.pbte.edu.pk وزٹ کی جا سکتی ہے-
