اسلامیہ کالج یونیورسٹی، ملازمین کی حاضری کے لیے بائیو میٹرک سسٹم لانچ، عملدرآمد 7 ستمبر سے ہوگا

پشاور (ایجو کیشن رپورٹر) اسلامیہ کالج یونیورسٹی میں ملازمین کی حاضری اور چھٹی کے نظام کو شفاف اور منظم بنانے کے لیے بائیو میٹرک سسٹم باقاعدہ طور پر لانچ کر دیا گیا ہے۔ انتظامیہ کی جانب سے سسٹم کے لیے تمام ملازمین کی رجسٹریشن کا عمل مکمل کر لیا گیا ہے۔

یونیورسٹی ذرائع کے مطابق اس بائیو میٹرک نظام پر باقاعدہ عملدرآمد 7 ستمبر سے شروع کر دیا جائے گا۔ واضح رہے کہ تعلیمی اداروں میں حاضری کے لیے بائیو میٹرک سسٹم شروع کرنے کی ہدایت صوبائی وزیرِ تعلیم کی جانب سے کی گئی تھی۔

اہم نکات:

• جدید حاضری نظام: ملازمین کی حاضری اور چھٹی کی ریکارڈنگ کے لیے بائیو میٹرک سسٹم کا قیام۔

• رجسٹریشن مکمل: سسٹم کے اطلاق کے لیے تمام متعلقہ ملازمین کا اندارج مکمل۔

• عملدرآمد کی تاریخ: 7 ستمبر سے بائیو میٹرک حاضری کا باقاعدہ آغاز۔

• سرکاری ہدایت: یہ اقدام صوبائی وزیرِ تعلیم  کی خصوصی ہدایات کی روشنی میں اٹھایا گیا ہے۔