امتحان کے بغیر اگلی کلاس میں انٹری، خیبر پختونخوا میں ڈگری ہولڈرز اور طلباء کے لیے انوکھا تعلیمی تجربہ

سوات (ایجو کیشن رپورٹر)خیبر پختونخوا ٹیکنیکل ایجوکیشن اینڈ ووکیشنل ٹریننگ اتھارٹی  نے تعلیمی تاریخ کا ایک انوکھا اور حیران کن اقدام اٹھاتے ہوئے امتحان لیے بغیر ہی طلباء کو اگلی کلاس میں پروموٹ کر دیا۔

سوات سے حاصل ہونے والی اطلاعات کے مطابق، سول ٹیکنالوجی (CBT) کے سیکنڈ ایئر کے طلباء کا کوئی بھی فائنل امتحان منعقد نہیں کیا گیا، مگر اس کے باوجود ان کی تھرڈ ایئر کی باقاعدہ کلاسز کا آغاز کر دیا گیا ہے۔
اس عجیب و غریب صورتحال کے باعث طلباء اور اساتذہ میں شدید تشویش پائی جا رہی ہے۔ معاملے کے اہم پہلو درج ذیل ہیں

 پنجاب میں کل جمعہ کو تمام تعلیمی ادارے معمول کے مطابق کھلے رہیں گے، صوبائی وزیر تعلیم رانا سکندر حیات

امتحانی شیڈول کی عدم موجودگی
بورڈ کی جانب سے یہ اعلان تک نہیں کیا گیا کہ سیکنڈ ایئر کا التوا کا شکار امتحان آخر کب لیا جائے گا۔

رزلٹ کارڈز کا التوا
باوثوق ذرائع کے مطابق، تھرڈ ایئر میں پہنچنے والے ان طلباء کو ابھی تک فرسٹ ایئر کی ڈی ایم سیز (DMCs) بھی جاری نہیں کی گئی ہیں۔

بورڈ کی خاموشی
جب اس معاملے پر بورڈ کا موقف جاننے کے لیے ان کے دفتر رابطہ کیا گیا تو کوئی بھی ذمہ دار اس مسئلے پر بات کرنے کے لیے تیار نہیں ہوا اور خاموشی اختیار کر لی گئی۔

بغیر امتحان اور بغیر نتائج اگلی کلاس میں پروموشن کے اس اقدام نے صوبائی تعلیمی نظام کے سنجیدہ عمل اور شفافیت پر سوالیہ نشان کھڑے کر دیے ہیں۔