لاہور، اچھرہ میں ٹیوشن سینٹر کے باتھ روم سے 10 سالہ بچی کی لاش برآمد، قتل کا مقدمہ درج
لاہور (ایجوکیشن رپورٹر) لاہور کے علاقے اچھرہ میں ایک نجی ٹیوشن سینٹر کے باتھ روم سے 10 سالہ بچی کی لاش ملنے کے افسوسناک واقعے پر پولیس نے قتل کا مقدمہ درج کر کے تحقیقات کا دائرہ وسیع کر دیا ہے۔ دوسری جانب صوبائی وزیر قانون نے بھی واقعے کا نوٹس لیتے ہوئے سی سی پی او لاہور سے فوری رپورٹ طلب کر لی ہے۔
تفصیلات کے مطابق 10 سالہ نعیمہ اپنی بہنوں کے ہمراہ ٹیوشن پڑھنے گئی تھی، جہاں بعد ازاں اس کی لاش ٹیوشن سینٹر کے باتھ روم سے برآمد ہوئی۔ پولیس نے بچی کے والد محمد عدنان کی مدعیت میں قتل کا مقدمہ درج کر لیا ہے۔ پولیس حکام کا کہنا ہے کہ ابتدائی معائنے میں بچی کے گلے پر نشانات پائے گئے ہیں، تاہم موت کی اصل وجوہات پوسٹ مارٹم اور فرانزک رپورٹ سامنے آنے کے بعد ہی واضح ہو سکیں گی۔ پولیس واقعے کی مختلف پہلوؤں سے تفتیش کر رہی ہے۔
ادھر صوبائی وزیر قانون رانا محمد اقبال نے معصوم بچی کی موت پر گہرے دکھ اور افسوس کا اظہار کرتے ہوئے سی سی پی او لاہور سے واقعے کی تفصیلی رپورٹ طلب کر لی ہے۔ انہوں نے پولیس کو ہدایت کی ہے کہ کیس کی شفاف، غیر جانبدار اور میرٹ پر تحقیقات کو یقینی بنایا جائے تاکہ متاثرہ خاندان کو ہر ممکن انصاف فراہم کیا جا سکے اور واقعے کے ذمہ دار عناصر کو قانون کے مطابق سخت سزا دی جا سکے۔
پشاور(ایجو کیشن رپورٹر) پی ایم ایس نتائج کے خلاف پشاور ہائیکورٹ میں درخواست دائر، انگریزی…
لاہور(کرائم رپورٹر) صوبائی دارالحکومت لاہور کے علاقے سندر میں نجی یونیورسٹی کی طالبہ کو سنگین…
ڈاکٹر وسیم قاضی جامعہ کراچی کے نئے وائس چانسلر مقرر، نوٹیفکیشن جاری کراچی(سپیشل رپورٹر)سندھ کی…
مردان (ایجو کیشن رپورٹر) حکومت خیبر پختونخوا کے محکمہ ابتدائی و ثانوی تعلیم کے جاری کردہ…
پشاور (سپیشل رپورٹر) خیبر پختونخوا کی سرکاری جامعات میں ہونے والی بھرتیوں کے حوالے سے…
پیرس (مانیٹرنگ ڈیسک)فرانس میں ابتر تعلیمی نظام، اساتذہ کی شدید کمی اور نئی داخلہ پالیسی…