کراچی (ایجوکیشن رپورٹر)داؤد یونیورسٹی آف انجینئرنگ اینڈ ٹیکنالوجی کی جانب سے مقامی سطح پر تیار کردہ ماحول دوست ”ایش پلاسٹک“ ٹیکنالوجی نے ملک کی دفاعی صنعت کو اپنی طرف متوجہ کر لیا ہے۔
داؤد سنز آرمری کے مالک نور الدین داؤد نے اس نایاب ٹیکنالوجی کے پہلے ممکنہ خریدار کی حیثیت سے داؤد یونیورسٹی کا دورہ کیا۔
”ایش پلاسٹک“ ایک اختراعی اور جدید مرکب مواد ہے، جسے تھرمل پاور پلانٹس میں کوئلے کے احتراق سے حاصل ہونے والی راکھ (Bottom Ash) اور فضول/ضائع شدہ پلاسٹک کی ری سائیکلنگ سے تیار کیا گیا ہے۔ اس ماحول دوست اقدام کا بنیادی مقصد صنعتی فضلے کو مؤثر انداز میں کارآمد، انتہائی پائیدار، کم وزن اور کم لاگت مرکب میں تبدیل کرنا ہے۔
جامعہ کے دورے کے موقع پر نور الدین داؤد نے داؤد یونیورسٹی کی وائس چانسلر انجینئر پروفیسر ڈاکٹر ثمرین حسین (ستارہِ امتیاز، تمغہِ امتیاز) سے خصوصی ملاقات کی۔ بعد ازاں ڈاکٹر عبدالفتاح سومرو، ڈاکٹر راشد مصطفیٰ کورائی اور ڈاکٹر عبدالرؤف کے ساتھ ایک اہم نشست میں اس ٹیکنالوجی کی تکنیکی باریکیوں اور تجارتی صلاحیتوں پر مفصل تبادلہ خیال کیا گیا۔
انہوں نے یونیورسٹی کی جدید لیبارٹریز اور تحقیقی سہولیات کا تفصیلی جائزہ بھی لیا اور ”ایش پلاسٹک“ ٹیکنالوجی کے عملی اطلاق اور مستقبل کی شراکت داری میں گہری دلچسپی کا اظہار کیا۔
لاہور (ایجوکیشن رپورٹر) پنجاب کے سرکاری سکولوں کے اساتذہ کیلئے نیا ڈریس کوڈ جاری کردیا…
اسلام آباد (ایجوکیشن رپورٹر) متروکہ وقف املاک بورڈ نے ٹرسٹ پراپرٹیز کی جیو ٹیگنگ کا…
کراچی (ایجوکیشن رپورٹر) سندھ کے سرکاری کالجوں میں جعلی حاضریوں کا انکشاف ہوا ہے، محکمہ…
کوئٹہ (ایجوکیشن رپورٹر) گورنر بلوچستان جعفر خان مندوخیل نے اعلان کیا ہے کہ سردار بہادر…
راولپنڈی (ایجوکیشن رپورٹر) فاطمہ جناح ویمن یونیورسٹی اور چین کی نارتھ ویسٹ ایگریکلچر اینڈ فاریسٹری یونیورسٹی…
اسلام آباد (ایجوکیشن رپورٹر) بین الاقوامی اسلامی یونیورسٹی اسلام آباد دنیا کی ٹاپ 500 اور…