کراچی (خبر نگار) محکمۂ یونیورسٹیز اینڈ بورڈز سندھ نے ثانوی و اعلیٰ ثانوی تعلیمی بورڈ سکھر کے افسر غلام مصطفیٰ پیرزادہ کی ابتدائی تقرری سے لے کر اب تک کی تمام ترقیوں، تعیناتیوں اور مکمل سروس ریکارڈ کی چھان بین کے لیے 3 رکنی فیکٹ فائنڈنگ انکوائری کمیٹی تشکیل دے دی ہے۔
ایمرسن یونیورسٹی کے وی سی پر ہراساں کرنے کے الزامات، صوبائی محتسب نے سماعت کے لیے تاریخ مقرر کر دی
صوبائی وزیر یونیورسٹیز اینڈ بورڈز اور کنٹرولنگ اتھارٹی کی منظوری سے جاری نوٹیفکیشن کے مطابق کمیٹی شاہ عبداللطیف یونیورسٹی خیرپور کے وائس چانسلر کی سربراہی (کنوینر) میں کام کرے گی۔ دیگر ارکان میں محکمۂ یونیورسٹیز اینڈ بورڈز کے ایڈیشنل سیکریٹری (اسٹیوٹا) اور اروڑ یونیورسٹی سکھر کے رجسٹرار شامل ہیں۔
کمیٹی غلام مصطفیٰ پیرزادہ کی ملازمت کے آغاز سے لے کر موجودہ عہدے تک کی ترقیوں، تعیناتیوں کے قانونی جواز اور اہلیت کے طریقۂ کار کی جانچ کرے گی۔ نوٹیفکیشن کے تحت کمیٹی کو 30 روز کے اندر اپنی فیکٹ فائنڈنگ رپورٹ اور سفارشات صوبائی وزیر کو پیش کرنے کا حکم دیا گیا ہے۔ علاوہ ازیں سکھر تعلیمی بورڈ کے چیئرمین اور سیکریٹری سمیت تمام متعلقہ حکام کو انکوائری کمیٹی کے ساتھ مکمل تعاون اور بلا تاخیر ریکارڈ فراہم کرنے کی ہدایت کی گئی ہے
