علامہ اقبال اوپن یونیورسٹی کا اوورسیز اور انٹرنیشنل طلبہ کے لیے آن لائن داخلوں کا اعلان، بیرونِ ملک مقیم طلبہ میٹرک سے گریجویٹ سطح تک گھر بیٹھے تعلیم حاصل کر سکیں گے: وائس چانسلر پروفیسر ڈاکٹر ناصر محمود
اسلام آباد (بیورو نیوز) دنیا بھر میں مقیم اوورسیز پاکستانیوں اور انٹرنیشنل طلبہ کے لیے عالمی معیار کی آن لائن تعلیم کے مواقع فراہم کرتے ہوئے علامہ اقبال اوپن یونیورسٹی نے سمسٹر خزاں 2026 کے داخلوں کا باضابطہ اعلان کر دیا ہے۔ یونیورسٹی کے وائس چانسلر پروفیسر ڈاکٹر ناصر محمود کے مطابق،
اوورسیز پاکستانی اور بین الاقوامی طلبہ اب یونیورسٹی کے تعلیمی نیٹ ورک سے مکمل طور پر آن لائن طریقے سے منسلک ہو کر داخلہ حاصل کر سکتے ہیں۔ انہوں نے مزید تفصیلات بتاتے ہوئے کہا کہ ان طلبہ کے لیے میٹرک، انٹرمیڈیٹ، مختلف مضامین میں ایسوسی ایٹ ڈگری، بی ایس، بی ایڈ اور پوسٹ گریجویٹ ڈپلومہ پروگرامز کا دائرہ کار فراہم کیا گیا ہے، جس کے تحت وہ گھر بیٹھے اپنی تعلیم مکمل کرنے کا بہترین موقع حاصل کر سکیں گے۔