غازی یونیورسٹی میں ہفتہ رحمۃ اللعالمینؐ کا آغاز، حسنِ قرأت و نعت کے مقابلے
طلباء نے نعتیں پیش کیں، مقررین کا سیرتِ طیبہ کے پیغامِ امن، عدل اور محبت کو عام کرنے پر زور
ڈیرہ غازی خان (بیورو رپورٹ)
غازی یونیورسٹی ڈیرہ غازی خان میں ہفتہ رحمۃ اللعالمینؐ کی تقریبات کا باقاعدہ آغاز کر دیا گیا ہے۔ سینئر ٹیوٹر آفس کے زیرِ اہتمام منعقدہ تقریبات کے پہلے روز مقابلہ حسنِ قرأت و نعتِ رسولِ مقبولؐ کا انعقاد کیا گیا جس میں یونیورسٹی کے فیکلٹی ممبران، اسٹاف اور مختلف تدریسی شعبہ جات کے طلباء و طالبات نے بھرپور شرکت کی۔
مقابلہ قرأت و نعت کی نگرانی کنوینر ڈاکٹر طاہرہ بتول قیصرانی نے کی جبکہ منصفین کے فرائض ڈاکٹر جویریہ شیرانی، ڈاکٹر عدیلہ اور فرحان گیلانی نے انجام دیے۔ مقابلہ نعت خوانی میں طلباء نے عقیدت و محبت کے جذبات سے سرشار ہو کر بارگاہِ رسالت مآبؐ میں نذرانہ عقیدت پیش کیا۔ اس موقع پر سینئر ٹیوٹر ڈاکٹر محمد ابراہیم نے بھی خوبصورت نعت پیش کی۔
تقریب سے خطاب کرتے ہوئے کنوینر ڈاکٹر طاہرہ بتول قیصرانی نے کہا کہ عشرہ رحمۃ اللعالمین ہمیں اس حقیقت کی یاد دہانی کراتا ہے کہ اللہ تعالیٰ نے حضرت محمد مصطفیٰؐ کو تمام جہانوں کے لیے رحمت بنا کر مبعوث فرمایا۔ ڈاکٹر محمد ابراہیم نے کہا کہ ہمیں اپنی زندگیوں کو سیرتِ طیبہ کے مطابق ڈھالنا چاہیے۔
تقریب کے اختتام پر حسنِ قرأت اور نعت خوانی کے مقابلوں میں نمایاں پوزیشن حاصل کرنے والے طلباء و طالبات میں تعریفی اسناد تقسیم کی گئیں۔
منہاج یونیورسٹی لاہور کے کانووکیشن 2026 میں 17 سو طلبہ وطالبات کو ڈگریاں دی گئیں…
لاہور (کورٹ رپورٹر) لاہور کی ایڈیشنل سیشن عدالت کے جج عبد الغفار نے یونیورسٹی آف…
حیدرآباد (ایجوکیشن رپورٹر) انسدادِ رشوت ستانی کی خصوصی عدالت حیدرآباد کے جج سید خلیل…
لاہور (ایجوکیشن رپورٹر) کرائم کنٹرول ڈیپارٹمنٹ (سی سی ڈی) نے لاہور بھر میں تعلیمی اداروں…
کراچی (ایجوکیشن رپورٹر) وفاقی اردو یونیورسٹی برائے فنون، سائنس و ٹیکنالوجی کی انجمنِ اساتذہ نے…
کراچی (ایجوکیشن رپورٹر) انٹرنیشنل مینز ڈے کے موقع پر اقرا یونیورسٹی میں کھیلوں کے مختلف…