مالی بحران کے باعث جامعہ پشاور اور زرعی یونیورسٹی ملازمین عید پر تنخواہ سے محروم رہیں گے

جامعہ پشاور اور زرعی یونیورسٹی کے ملازمین عید کی تنخواہ سے محروم، شدید مالی بحران کا انکشاف

پشاور ( نمائندہ خصوصی) خیبر پختونخوا حکومت کے برعکس پشاور یونیورسٹی اور ایگریکلچر یونیورسٹی کی انتظامیہ عید الفطر سے قبل اپنے ملازمین کو تنخواہیں دینے میں ناکام ہو گئی ہے۔ صوبائی حکومت نے سرکاری ملازمین کو مارچ کی تنخواہ 16 مارچ تک ادا کرنے کا اعلان کر دیا ہے، تاہم یہ دونوں جامعات تاحال مالی بحران کی وجہ سے فنڈز کی کمی کا شکار ہیں۔

ترجمان آل یونیورسٹیز ایمپلائز فیڈریشن کے مطابق جامعہ پشاور نے ریٹائرڈ ملازمین کو فروری کی پنشن بھی تاحال ادا نہیں کی۔ عید سے قبل تنخواہوں اور پنشن کی عدم ادائیگی کے باعث ملازمین اور ان کے اہل خانہ شدید ذہنی کرب اور معاشی پریشانی میں مبتلا ہیں۔ تنظیم نے حکومت سے مطالبہ کیا ہے کہ جامعات کو فوری طور پر مالی امداد فراہم کی جائے تاکہ عید کی خوشیوں سے قبل ادائیگیاں ممکن ہو سکیں۔