Higher Education Commission of Pakistan
ڈگریوں کی تصدیق اب منٹوں میں: ایچ ای سی کا جون 2026 سے ‘بلاک چین’ سسٹم متعارف کرانے کا اعلان
اسلام آباد (نمائندہ خصوصی) ہائر ایجوکیشن کمیشن نے ڈگریوں کی تصدیق کے روایتی اور دشوار گزار عمل کو جدید ترین ‘بلاک چین’ ٹیکنالوجی پر منتقل کرنے کا بڑا فیصلہ کر لیا ہے۔ منصوبے کے مطابق، 30 جون 2026 تک اس نئے نظام کا پہلا مرحلہ شروع کر دیا جائے گا، جس کے بعد طلبہ کو تصدیق اور توثیق کے لیے یونیورسٹیوں یا ایچ ای سی کے دفاتر کے چکر کاٹنے کی ضرورت نہیں رہے گی۔
دستاویزات کے مطابق، اس جدید فریم ورک کا مقصد تمام جامعات کے تعلیمی ریکارڈ کو ایک مرکزی ڈیجیٹل پلیٹ فارم پر مربوط کرنا ہے۔ نئے نظام کے تحت یونیورسٹیوں کو خصوصی ڈیش بورڈز دیے جائیں گے جہاں سے وہ ڈیٹا کی تصدیق کریں گی، جس کے بعد کیس خودکار طریقے سے ایچ ای سی کو منتقل ہو جائے گا۔ تصدیق مکمل ہونے پر طلبہ کی اسناد بلاک چین پر ‘ناقابلِ ترمیم’ (Immutable) ڈیجیٹل اسناد کی شکل میں محفوظ کر دی جائیں گی، جنہیں دنیا بھر میں کہیں بھی آجر اداروں یا تعلیمی اداروں کے ساتھ براہِ راست شیئر اور فوری تصدیق کرایا جا سکے گا۔ اس اقدام سے نہ صرف ڈگریوں کی جعل سازی کا راستہ بند ہوگا بلکہ ڈیٹا کی حفاظت اور شفافیت میں بھی نمایاں بہتری آئے گی۔
بلاک چین سسٹم کے نمایاں فوائد
فوری تصدیق: یونیورسٹیوں اور ایچ ای سی کے ذاتی دوروں کی ضرورت ختم۔
جعلسازی کا خاتمہ: ڈیجیٹل اسناد ناقابلِ تبدیلی ہوں گی، جس سے جعلی ڈگری بنانا ناممکن ہوگا۔
عالمی رسائی: طلبہ اپنی اسناد کسی بھی وقت اور کہیں بھی آجر اداروں کو آن لائن دکھا سکیں گے۔
شفافیت: ڈیٹا کی درستگی اور ‘ریئل ٹائم’ تصدیق کو یقینی بنایا جائے گا۔
کراچی (خبر نگار) محکمۂ یونیورسٹیز اینڈ بورڈز سندھ نے ثانوی و اعلیٰ ثانوی تعلیمی بورڈ…
پشاور (سپیشل رپورٹر) جنوبی وزیرستان لوئر میں روزانہ کی بنیاد پر عائد کرفیو کے باعث…
کراچی (خبر نگار / این این آئی) وزیراعظم یوتھ لیپ ٹاپ سکیم کے تحت جناح…
ملتان (ایجو کیشن رپورٹر رپورٹر) صوبائی محتسب پنجاب نے ایمرسن یونیورسٹی ملتان کے وائس چانسلر…
پاکپتن(نامہ نگار) اینٹی کرپشن پنجاب نے کارروائی کرتے ہوئے محکمہ تعلیم (ایجوکیشن ڈیپارٹمنٹ) پاکپتن کے اسسٹنٹ…
اسلام آباد(سپیشل رپورٹر) ہائیر ایجوکیشن کمیشن کی اعلیٰ سطح کمیٹی نے وفاقی اردو یونیورسٹی کو…