وزیر تعلیم کی عظمیٰ بخاری کی بیٹی ڈاکٹر ودیعت اور دیگر کو سی ایس ایس کے تحریری امتحان میں کامیابی پر مبارکباد

وزیر تعلیم کی عظمیٰ بخاری کی بیٹی ڈاکٹر ودیعت اور دیگر کو سی ایس ایس کے تحریری امتحان میں کامیابی پر مبارکباد
سی ایس ایس امتحان میں کامیابی نئے سفر کی شروعات، ایک بڑی ذمہ داری کا آغاز ہیں۔ رانا سکندر حیات

لاہور(ایجو کیشن رپورٹر) وزیر تعلیم رانا سکندر حیات نے وزیر اطلاعات عظمیٰ بخاری کی بیٹی ڈاکٹر ودیعت سمیت سی ایس ایس کا تحریری امتحان پاس کرنے والے تمام امیدواروں کو دلی مبارکباد دیتے ہوئے ان کے روشن مستقبل اور مزید کامیابیوں کے لیے نیک خواہشات کا اظہار کیا اور کہا ہے کہ سی ایس ایس جیسے مشکل امتحان میں کامیابی ڈاکٹر ودیعت اور دیگر کامیاب امیدواروں کی محنت، عزم اور مستقل مزاجی کا ثبوت ہے۔ وزیر تعلیم نے کہا کہ

ڈاکٹر ودیعت اور دیگر امیدواروں کی کامیابی ایک بڑے خواب کی تعبیر اور کامیابیوں کے نئے سفر کی شروعات ہیں۔ انہوں نے کہا کہ سی ایس ایس میں کامیابی صرف ایک امتحان پاس کرنا نہیں، بلکہ ملک و قوم کی خدمت کی ایک بڑی ذمہ داری کا آغاز ہے۔ رانا سکندر حیات نے اس امید کا اظہار کیا ہے کہ تمام کامیاب امیدوار سیلیکشن کے بعد اپنی قابلیت، دیانت اور صلاحیتوں سے پاکستان کا نام روشن کریں گے۔