وی سی سٹی یونیورسٹی ڈاکٹر سفیر اعوان نے چارج سنبھال لیا

وی سی سٹی یونیورسٹی ڈاکٹر سفیر اعوان نے چارج سنبھال لیا

اعلیٰ تعلیم کی ترویج میں کئی دہائیوں پر محیط تدریسی و قائدانہ تجربہ رکھتے ہیں

پشاور (ایجوکیشن رپورٹر)

سٹی یونیورسٹی آف سائنس اینڈ انفارمیشن ٹیکنالوجی کے نئے وائس چانسلر پروفیسر ڈاکٹر محمد سفیر اعوان نے اپنی ذمہ داریاں سنبھال لیں۔ یونیورسٹی اسٹاف، اعلیٰ قیادت اور تمام شعبہ جات کی جانب سے معروف ماہرِ تعلیم، دانشور، محقق، مصنف اور اعلیٰ تعلیم کے شعبے سے تعلق رکھنے والی ممتاز شخصیت پروفیسر ڈاکٹر محمد سفیر اعوان کا پرُتپاک خیر مقدم کیا گیا۔

پروفیسر ڈاکٹر محمد سفیر اعوان پاکستان میں اعلیٰ تعلیم کی ترویج میں کئی دہائیوں پر محیط تدریسی، تحقیقی، انتظامی اور قائدانہ تجربہ رکھتے ہیں۔ وہ جامعات کو معاشرے کی وسیع تر سماجی، ثقافتی اور صنعتی ضروریات سے ہم آہنگ کرنے کے لیے مؤثر اور پائیدار حکمتِ عملیوں پر خصوصی توجہ دینے میں اعلیٰ مہارت رکھتے ہیں۔

یونیورسٹی کمیونٹی نے امید کا اظہار کیا ہے کہ پروفیسر ڈاکٹر محمد سفیر اعوان کی بصیرت افروز قیادت میں سٹی یونیورسٹی ترقی، علمی و تحقیقی جدت، باہمی تعاون اور ادارہ جاتی استحکام کے ایک نئے دور میں داخل ہوگی، جبکہ یونیورسٹی کو قومی و بین الاقوامی سطح پر مزید نمایاں مقام حاصل ہوگا