لاہور (اسپیشل رپورٹر)
پنجاب بورڈ آف ٹیکنیکل ایجوکیشن لاہور کے زیرِ انتظام ڈپلومہ آف ایسوسی ایٹ انجینئرز ، ڈپلومہ اِن کامرس، ڈپلومہ اِن ہوٹل آپریشن، میٹرک ٹیک اور میٹرک ووکیشنل کے پہلے سالانہ امتحانات 2026 کل مورخہ 29 جون 2026 سے باقاعدہ شروع ہو رہے ہیں، جو 25 جولائی 2026 تک جاری رہیں گے۔
امتحانات کے پرامن اور منظم انعقاد کے لیے صوبائی دارالحکومت لاہور میں 32 جبکہ پنجاب بھر بشمول گلگت بلتستان مجموعی طور پر 342 امتحانی مراکز قائم کیے گئے ہیں۔ ان امتحانات میں اس سال ایک لاکھ سے زائد طلبہ و طالبات اپنی تعلیمی اہلیت کا مظاہرہ کریں گے۔
امتحانی عمل کو سو فیصد صاف، شفاف اور بوٹی مافیا سے پاک بنانے کے لیے نگران عملے کی تعیناتی کا عمل مکمل کر لیا گیا ہے۔ چیئرمین پنجاب بورڈ آف ٹیکنیکل ایجوکیشن ڈاکٹر فیصل محمود کی خصوصی ہدایت پر کنٹرولر امتحانات ڈاکٹر عرفان قاسم ملک نے فیلڈ میں موبائل انسپکٹرز اور موبائل اسکواڈز تعینات کر دیے ہیں۔ یہ اسکواڈز امتحانات کے دوران مختلف مراکز کے اچانک دورے (سرپرائز وزٹس) کریں گے اور امتحانی نظم و ضبط کی نگرانی کریں گے۔
امتحانی مراکز کے اطراف پرامن ماحول کو یقینی بنانے اور دفعہ 144 کے نفاذ سمیت دیگر حفاظتی تدابیر کے لیے تمام اضلاع کے ڈپٹی کمشنرز اور ڈسٹرکٹ پولیس آفیسرز کو باقاعدہ مراسلے ارسال کر دیے گئے ہیں۔ امتحانات میں شامل ہونے والے امیدواروں کی رول نمبر سلپس بورڈ کے پورٹل پر قبل از وقت اپ لوڈ کی جا چکی ہیں، جنہیں طلبہ اپنے متعلقہ تعلیمی اداروں سے آسانی سے حاصل کر سکتے ہیں۔
چیئرمین پنجاب بورڈ آف ٹیکنیکل ایجوکیشن ڈاکٹر فیصل محمود نے امتحانی مراکز کے سربراہان کو سخت ہدایات جاری کرتے ہوئے کہا ہے کہ:
امتحانات کے شیڈول، ڈیٹ شیٹ یا دیگر کسی بھی قسم کی مزید معلومات کے لیے بورڈ کی آفیشل ویب سائٹ
www.pbte.edu.pk
ملاحظہ کی جا سکتی ہے۔
لاہور(ایجو کیشن رپورٹر)لاہور کی سیشن عدالت نے وی سی اوکاڑہ یونیورسٹی ڈاکٹر ساجد مبین اور…
(ایجو کیشن رپورٹر)لاہور پنجاب میں آرٹیفیشل انٹیلی جنس پر مبنی تعلیمی انقلابی پروگرام "اے آئی…
پشاور (نامہ نگار) انٹرمیڈیٹ کے حالیہ نتائج کے خلاف اسلامیہ کالج پشاور سمیت مختلف سرکاری…
لاہور(ایجو کیشن رپورٹر) محکمہ اسکول ایجوکیشن پنجاب نے صوبے بھر کے سرکاری اسکولوں میں اساتذہ…
لاہور (پریس ریلیز/خصوصی رپورٹ) پاکستان بھر میں تعلیمی کامیابیوں اور شاندار رواں سفر کو برقرار…
لاہور (ایجو کیشن رپورٹر) بورڈ آف انٹرمیڈیٹ اینڈ سیکنڈری ایجوکیشن لاہور نے انٹرمیڈیٹ پارٹ ٹو…