پشاور(ایجو کیشن رپورٹر)جماعت اسلامی پاکستان کے امیر حافظ نعیم الرحمان نے پشاور پریس کلب میں میڈیا سے گفتگو کرتے ہوئے ملک میں تعلیم کی ابتر صورتحال، مہنگائی اور غزہ کی صورتحال پر تشویش کا اظہار کیا ہے۔
تعلیمی بحران اور پیٹرول لیوی کے خلاف تحریک کا اعلان
حافظ نعیم الرحمان نے انکشاف کیا کہ ملک میں کروڑوں بچے سکولوں سے باہر ہیں۔ ان کے مطابق
پنجاب 1 کروڑ 18 لاکھ سے زائد بچے
سندھ 70 لاکھ سے زیادہ بچے
خیبرپختونخوا 50 لاکھ بچے
سکول صرف کتابی تعلیم کے مراکز نہیں بلکہ قوم کے مستقبل کی تشکیل کے ادارے ہیں، گورنر خیبر پختونخوا
انہوں نے کہا کہ عوام بجلی کے بھاری بلوں اور پیٹرولیم مصنوعات کی بڑھتی قیمتوں سے شدید پریشان ہیں۔ حکومت پیٹرول کے ہر لیٹر پر روپے ٹیکس وصول کر رہی ہے۔ اس تناظر میں جماعت اسلامی نے پیٹرول لیوی کے خلاف تحریک کا آغاز کر دیا ہے اور جلد ہی
"تعلیم کے حق” کے لیے بھی ملک گیر تحریک چلائی جائے گی۔ ان کا کہنا تھا کہ بھاری ٹیکسز کی وصولی کے بعد بچوں کو مفت اور معیاری تعلیم فراہم کرنا حکومت کی بنیادی ذمہ داری ہے۔
بنو قابل پروگرام اور نوجوانوں کی تربیت
نوجوانوں کو جدید مہارتوں سے آراستہ کرنے پر زور دیتے ہوئے انہوں نے بتایا کہ جماعت اسلامی کا "بنو قابل” پروگرام ملک بھر اور خیبرپختونخوا میں فعال ہے۔ اس پروگرام کے تحت 17 لاکھ سے زائد بچے اور نوجوان 100 فیصد وظائف (اسکالرشپس) پر مفت روزگار فراہم کرنے والے شارٹ کورسز اور تربیت حاصل کر رہے ہیں۔
غزہ کی صورتحال اور فلسطینی طلبہ کے لیے امداد
غزہ کی صورتحال پر گفتگو کرتے ہوئے امیر جماعت اسلامی نے بتایا کہ وہاں 80 ہزار سے زائد افراد شہید ہو چکے ہیں۔ انہوں نے کہا کہ جماعت اسلامی اور الخدمت فاؤنڈیشن کے توسط سے غزہ کے لیے 10 ارب روپے سے زائد کے فنڈز پہنچائے جا چکے ہیں۔ اس کے علاوہ متاثرہ فلسطینی نوجوانوں کے لیے پاکستان میں طب (میڈیکل) اور دیگر شعبوں میں تعلیمی مواقع فراہم کرنے پر بھی کام جاری ہے۔
ملتان کی نجی یونیورسٹی میں فائرنگ، ایک طالب علم جاں بحق، متعدد زخمی
حکومتی داؤوں اور وزراء پر تنقید
حافظ نعیم الرحمان نے وزیراعلیٰ پنجاب کے بیانات پر شدید تنقید کرتے ہوئے کہا کہ ان کے دعوے سن کر ایسا لگتا ہے جیسے انہوں نے پورا پاکستان فتح کر لیا ہو۔ انہوں نے زور دیا کہ محض باتوں کے بجائے تعلیم، نوجوانوں کی تربیت اور عوامی مسائل کے حل کے لیے عملی اقدامات کیے جائیں۔
انہوں نے عزم کا اظہار کیا کہ مفت اور معیاری تعلیم کے حصول کو یقینی بنانے کے لیے عوامی سطح پر جدوجہد جاری رکھی جائے گی۔
پشاور (سپیشل رپورٹر) خیبر پختونخوا کے محکمہ آرکائیوز اینڈ لائبریریز کے چیف لائبریرین ڈاکٹر محمد…
خانیوال(نمائندہ خصوصی ) پبلک سکول اینڈ یونیورسٹی کالج میں سائیکلنگ مقابلےسائیکلنگ بچوں کی جسمانی صحت،…
تربت (نمائندہ حصوصی) گورنمنٹ گرلز ماڈل ہائی سکول تربت کی طالبات نے ریڈیو پاکستان تربت…
کوئٹہ (نمائندہ حصوصی) بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز نے اپنے سکول…
مالاکنڈ (نمائندہ حصوصی) کمشنر مالاکنڈ ڈویژن اقبال حسین باچا نے محکمہ تعلیم اور صحت میں…
ڈیرہ اسماعیل خان (نمایندہ اردہ تعلیم ڈاٹ کام) تعلیمی اداروں میں تدریسی و غیر تدریسی…