خان گڑھ (نمائندہ حصوصی) گورنمنٹ گرلز ڈگری کالج خان گڑھ کی طالبات کے لیے سفری سہولت کا دیرینہ مطالبہ پورا ہو گیا ہے۔ ایم پی
اے پی پی 271 سردار محمد عون حمید ڈوگر نے کالج بس کا باقاعدہ افتتاح کر دیا۔ افتتاحی تقریب کے موقع پر انہوں نے طالبات کو بس میں
سوار کرایا اور خود بس چلا کر خان گڑھ شہر کا چکر بھی لگایا۔
تقریب میں ڈپٹی ڈائریکٹر کالجز مظفرگڑھ ملک عبدالرحمٰن کھاکھی اور کالج پرنسپل فرح زیبابسمت اساتذہ، طالبات اور معززینِ علاقہ نے
شرکت کی۔ اس موقع پر سردار عون حمید ڈوگر نے کہا کہ طالبات کو محفوظ، باعزت اور آسان سفری سہولیات کی فراہمی حکومت کی
ترجیحات میں شامل ہے، جس سے دور دراز علاقوں سے آنے والی طالبات کے لیے تعلیم کا حصول آسان ہوگا۔ انہوں نے انتظامیہ کی درخواست
پر خان گڑھ اور شاہ جمال گرلز کالجز کے لیے جلد آئی ٹی لیبز فراہم کرنے کا وعدہ بھی کیا۔
