وارسا (ویب ڈیسک) پولینڈ کے ایک سکول میں چاقو زنی کا ایک اور افسوسناک واقعہ سامنے آیا ہے، جس کے نتیجے میں ایک شخص ہلاک جبکہ دو افراد شدید زخمی ہو گئے ہیں۔
تفصیلات کے مطابق یہ واقعہ وسطی-مشرقی پولینڈ کے علاقے ‘لیسزیڈول نووینی’ کے ایک اسکول میں پیش آیا۔ پولیس نے واقعے کے فوراً بعد کارروائی کرتے ہوئے موقع سے 15 سالہ لڑکے کو حراست میں لے لیا ہے۔
لاہوربورڈ، انگریزی کے پرچے میں نقل کرتے 9 امیدوار گرفتار
یہ واقعہ ایک ایسے وقت میں سامنے آیا ہے جب صرف ایک دن قبل ہی 17 سالہ ایک لڑکے نے اسکول پر حملہ کر کے چاقو کے وار سے 9 افراد کو زخمی کر دیا تھا، جبکہ اس کے بیگ سے ایک دیسی ساختہ بم بھی برآمد ہوا تھا۔ علاوہ ازیں، ملک کے ایک اور حصے سے بھی 17 سالہ لڑکے کو اسی نوعیت کے چاقو حملے کی منصوبہ بندی کرنے کے شبہے میں گرفتار کیا گیا ہے۔
سکولوں میں بڑھتے ہوئے ان پرتشدد واقعات کے ردِعمل میں پولینڈ پولیس نے واضح کیا ہے کہ وہ اسکولوں کے قریب نگرانی سخت کر رہی ہے اور طلبہ و دیگر افراد کے پاس چاقو یا کسی بھی مشکوک رویے کی تلاش کے لیے اچانک تلاشی کا سلسلہ شروع کیا جا رہا ہے۔
