ملتان (ایجوکیشن رپورٹر) اساتذہ کے تبادلوں کے لیے موصول ہونے والی درخواستوں کی جانچ پڑتال اور تصدیق کا
عمل جاری ہے۔ محکمہ تعلیم کے مقررہ شیڈول کے مطابق پہلے مرحلے میں دستاویزات کی تصدیق کی جارہی ہے تاکہ
درخواست گزاروں کے کوائف اور فراہم کردہ ریکارڈ کی مکمل درستگی کو یقینی بنایا جا سکے۔
ڈی آئی خان، محکمہ تعلیم کے 35 گھوسٹ ملازمین نوکریوں سے فارغ، تنخواہیں واپس کرنے کا حکم
شیڈول کے مطابق دستاویزات کی جانچ پڑتال کے دوران سامنے آنے والے اعتراضات اور خامیوں کو دور کرنے کے لیے 23
سے 26 اکتوبر تک کا وقت مقرر کیا گیا ہے۔ اس مدت کے دوران متعلقہ اساتذہ کو اپنی درخواستوں میں موجود
خامیوں کو دور کرنے اور مطلوبہ دستاویزات مکمل کرنے کا بھرپور موقع فراہم کیا جائے گا۔ تمام مراحل کی تکمیل کے
بعد محکمہ جاتی شیڈول کے تحت 27 اکتوبر کو اساتذہ کے باضابطہ ٹرانسفر آرڈرز جاری کیے جانے کا امکان ہے۔
