Categories: ایچ ای سی

ایچ ای سی کی طلبہ کو ہدایت، ٹرانس نیشنل ایجوکیشن پروگراموں میں داخلے سے قبل باضابطہ منظوری کی تصدیق کریں

اسلام آباد(ایجو کیشن رپورٹر) ہائر ایجوکیشن کمیشن (ایچ ای سی) نے ملک بھر کے طلبہ اور ان کے والدین کو ٹرانس نیشنل ایجوکیشن (ٹی این ای) پروگراموں کے حوالے سے خبردار کرتے ہوئے ہدایت کی ہے کہ وہ کسی بھی غیر ملکی تعلیمی ادارے میں داخلہ لینے یا فیس جمع کرانے سے قبل اس کی ایچ ای سی سے باضابطہ منظوری لازمی چیک کریں۔

کراچی، انٹرمیڈیٹ کے ضمنی امتحانات کے فارم جمع کرانے کی تاریخوں میں توسیع

ایچ ای سی کی جانب سے جاری کردہ عوامی آگاہی پیغام کے مطابق، ٹرانس نیشنل ایجوکیشن پالیسی کے تحت کوئی بھی غیر ملکی جامعہ پاکستان میں ڈگری پروگرام صرف اسی صورت میں پیش کر سکتی ہے جب اس کا مقامی شراکت دار ادارہ ایچ ای سی سے منظور شدہ ہو۔ کمیشن نے واضح کیا کہ محض کسی غیر ملکی جامعہ کا معروف ہونا ہی کافی نہیں، بلکہ اس کی پاکستان میں ہر مقامی شراکت داری یا تدریسی مقام خود بخود منظور شدہ تصور نہیں ہوگا۔

کمیشن کا کہنا تھا کہ ایچ ای سی کی جانب سے ٹی این ای کی منظوری میں غیر ملکی ڈگری دینے والے ادارے، پاکستان میں ڈگری فراہم کرنے والے شراکت دار ادارے، منظور شدہ مخصوص پروگرام اور مقررہ کیمپس/تدریسی مقام شامل ہوتے ہیں۔ صرف وہی پروگرام ایچ ای سی سے تسلیم شدہ اور مساوی قرار دیے جائیں گے جو تمام منظور شدہ شرائط و ضوابط کے تحت چل رہے ہوں۔ غیر منظور شدہ اداروں، غیر منظور شدہ ڈگری پروگراموں یا غیر مقررہ مقامات پر حاصل کی گئی ڈگریوں کو ایچ ای سی تسلیم نہیں کرے گا۔

لاکھوں بچوں کا سکول سے باہر ہونا بڑا چیلنج ہے، وفاقی سیکرٹری تعلیم

طلبہ کی سہولت اور رہنمائی کے لیے ایچ ای سی نے اپنی سرکاری ویب سائٹ پر ٹرانس نیشنل ایجوکیشن پالیسی اور منظور شدہ اداروں و پروگراموں کی مکمل فہرست جاری کر دی ہے۔ اس فہرست میں اسلام آباد، راولپنڈی، لاہور، کراچی، پشاور، فیصل آباد، ملتان، حیدرآباد، گوجرانوالہ، ایبٹ آباد اور گجرات سمیت مختلف شہروں کے منظور شدہ ادارے شامل ہیں۔

ایچ ای سی نے تمام طلبہ اور والدین پر زور دیا ہے کہ وہ کسی بھی قسم کے مالی یا تعلیمی نقصان سے بچنے کے لیے داخلے یا فیس کی ادائیگی سے قبل ایچ ای سی کی سرکاری ویب سائٹ پر دستیاب فہرست سے تصدیق ضرور کریں۔

urdutaleem@gmail.com

Recent Posts

نیشنل ڈیفنس یونیورسٹی کا نام تبدیل کرکے ’کنگ سلمان یونیورسٹی فار نیشنل ڈیفنس‘ رکھنے کی منظوری

لاہور(ویب ڈیسک ) خادم حرمین شریفین شاہ سلمان بن عبدالعزیز نے نیشنل ڈیفنس یونیورسٹی کا…

1 دن ago

اوورسیز پاکستانی کا 5 لاکھ کمپیوٹر ٹیبلٹ پاکستانی طلبہ کو عطیہ کرنے کا اعلان

ٹوکیو ( مانیٹرنگ ڈیسک )جاپان میں مقیم معروف سماجی و کاروباری شخصیت راشد منہاس نے…

1 دن ago

کوہاٹ میں 12 سالہ طالب علم پر سکول مالک کا تشدد،ملزم گرفتار

کوہاٹ (نامہ نگار)کوہاٹ کے علاقے خٹک کالونی میں واقع نجی سکول کے مالک نے مبینہ…

2 دن ago

ڈائریکٹر جنرل (فنانس) ٹیوٹا عثمان علی طارق کے والد انتقال کر گئے

لاہور(ایجو کیشن رپورٹر)ڈائریکٹر جنرل (فنانس) ٹیوٹا عثمان علی طارق کے والد طارق محمود انتقال کر…

3 دن ago

خیبر پختونخوا کی 34میں سے26 یونیورسٹیاں مالی خسارے کا شکار،وفاق سے 18ارب مانگ لیے گئے

اسلام آباد (ایجو کیشن رپورٹر)خیبر پختونخوا کی سرکاری جامعات کے لیے وفاق سے 18 ارب…

3 دن ago

چیرمین فیڈرل بورڈ کا امتحانی سنٹر کا دورہ

اسلام آباد(ایجو کیشن رپورٹر) فیڈرل بورڈ آف انٹرمیڈیٹ اینڈ سیکنڈری ایجوکیشن کے چیئرمین ڈاکٹر اکرام…

3 دن ago