حکومت کا سکول آؤٹ سورسنگ کا فیصلہ واپس لینے سے انکار، 500 اداروں کی منتقلی پر ڈٹ گئی

پشاور (سپيشل رپورٹر)خیبر پختونخوا میں 500 سرکاری سکولوں کی آؤٹ سورسنگ کے اہم منصوبے پر عملدرآمد کے دوران بعض سکولوں کو اس عمل سے نکالنے اور سابقہ حالت میں برقرار رکھنے کی درخواستیں سامنے آئی ہیں۔ تاہم صوبائی حکومت نے موقف میں کسی قسم کی نرمی لانے سے صاف انکار کرتے ہوئے تمام متبادل مطالبات اور درخواستوں کو یکسر مسترد کر دیا ہے

اوکاڑہ یونیورسٹی خاتون پروفیسر ہراسانی کیس، وائس چانسلر اور پی ار او عدالت پیش

ایجوکیشن افسران کو تمام درخواستیں منسوخ کرنے کا حکم
محکمہ ابتدائی و ثانوی تعلیم خیبر پختونخوا نے ڈائریکٹر ایلیمنٹری اینڈ سیکنڈری ایجوکیشن اور صوبے بھر کے تمام ڈسٹرکٹ ایجوکیشن افسران کو تحریری مراسلہ جاری کیا ہے۔ ہدایات کے مطابق آؤٹ سورسنگ کے لیے پہلے سے منتخب کردہ کسی بھی سکول کی منسوخی، متبادل یا فہرست سے اخراج کی کوئی بھی درخواست نہ تو قبول کی جائے گی اور نہ ہی اسے اعلیٰ حکام کو آگے ارسال کیا جائے گامعیارِ تعلیم اور رسائی بہتر بنانے کی حکمتِ عملی

اعلامیے کے مطابق، صوبے کے تمام اضلاع میں 500 سکولوں کی آؤٹ سورسنگ کا بنیادی مقصد بچوں کے لیے تعلیم تک رسائی کو آسان بنانا اور تدریسی و تعلیمی معیار کو بلند کرنا ہے۔ حکومتِ خیبر پختونخوا نے واضح کر دیا ہے کہ تعلیمی اصلاحات کی راہ میں آنے والے تمام دباؤ اور تحفظات کے باوجود اس منصوبے کو سو فیصد نافذ کیا جائے گا