دانش سکول ٹبہ سلطان پور کی گورننگ باڈی کا اجلاس، جدید تدریس اور سہولیات کی فراہمی پر زور

میلسی (نامہ نگار) دانش سکول (بوائز اینڈ گرلز) ٹبہ سلطان پور کی 20ویں گورننگ باڈی کا اجلاس ڈپٹی کمشنر وہاڑی خالد جاوید گورایہ کی زیرِ صدارت منعقد ہوا۔ اجلاس میں سکول کے تعلیمی و انتظامی امور، سالانہ نتائج، ہاسٹل، نصابی و ہم نصابی سرگرمیوں اور طلبہ کو فراہم کی جانے والی سہولیات کا تفصیلی جائزہ لیا گیا۔اجلاس کی اہم تفصیلات

تعلیمی معیار اور تدریس ڈپٹی کمشنر نے سکول میں جدید تعلیمی سہولیات کو مزید بہتر بنانے اور ہاسٹل سمیت ہم نصابی سرگرمیوں کو مثالی بنانے کی ہدایت کی۔ انہوں نے کہا کہ اساتذہ جدید تعلیمی تصورات اور طریقہ تدریس کے مطابق طلبہ کی تعلیم و تربیت اور کردار سازی پر خصوصی توجہ دیں۔

کلاس رومز اور لیبارٹریز کا معائنہ ڈپٹی کمشنر نے دانش سکول کے مختلف کلاس رومز، لینگوئج لیب، کمپیوٹر، بائیولوجی، کیمسٹری اور فزکس لیبارٹریز کا دورہ کیا۔ انہوں نے طلبہ و طالبات سے سوالات کر کے ان کی تعلیمی استعداد اور تدریسی سرگرمیوں کا جائزہ بھی لیا۔

شجرکاری اور تاثرات بعد ازاں ڈپٹی کمشنر نے سکول کے سبزہ زار میں پودا لگایا، ملکی سلامتی و خوشحالی کے لیے دعا کی اور وزیٹر بک میں اپنے تاثرات درج کیے۔
پنجاب 5ویں اور 8ویں کے امتحانات پیکٹا کے تحت ہوں گے، فروری 2027 کی تاریخ طے

شرکائے اجلاس اجلاس میں اسسٹنٹ کمشنر میلسی سعد بن خالد، ڈی ڈی ڈیولپمنٹ محمد افضال، گورننگ باڈی کے ممبران ممتاز خان منیس، جہانزیب خان ایڈووکیٹ، ڈاکٹر رضوان شریف، ڈاکٹر ممتاز، والدین کے نمائندگان منظور احمد اور پروین اختر، پرنسپل محمد طیب اور ذرقاء سہیل، ایڈمن آفیسر میجر (ر) ندیم انجم سمیت دیگر افسران موجود تھے۔