کراچی (ایجو کیشن رپورٹر) بے نظیر بھٹو شہید یونیورسٹی لیاری میں جاری شدید انتظامی بحران اور بیرونی مداخلت کے باعث یونیورسٹی کے وائس چانسلر پروفیسر حسین مہدی نے اپنے عہدے سے استعفیٰ دے دیا ہے۔
استعفے کی وجوہات اور وائس چانسلر کا موقفاپنے استعفے کے حوالے سے موقف اختیار کرتے ہوئے پروفیسر حسین مہدی کا کہنا تھا کہ جامعہ میں سیاسی اور جرائم پیشہ عناصر کی جانب سے مسلسل شدید دباؤ ڈالا جا رہا تھا، جس کے باعث وہ اپنے فرائض آزادانہ اور شفاف انداز میں سرانجام دینے سے قاصر تھے۔ انہوں نے بتایا کہ اس سے قبل بھی وہ کئی مرتبہ حکومتِ سندھ کو ان درپیش مسائل اور اپنے تحفظات سے باضابطہ طور پر آگاہ کر چکے تھے، تاہم ان کے خدشات کا سدِباب نہ ہو سکا۔
ذرائع کے سنسنی خیز انکشافات دوسری جانب ذرائع کا دعویٰ ہے کہ وائس چانسلر کا استعفیٰ اچانک سامنے نہیں آیا بلکہ اس کی بنیادی وجہ یونیورسٹی کے اندر انتظامی اصلاحات اور بدعنوانی کے خلاف جاری کارروائیاں تھیں۔
ذرائع کے مطابق
مری، اسکول وین کھائی میں جا گری، آگ بھڑکنے سے 10 بچے جھلس کر زخمی
گھوسٹ ملازمین اور ہراسانی کے خلاف ایکشن وائس چانسلر پروفیسر حسین مہدی نے یونیورسٹی میں موجود غیر فعال (گھوسٹ) ملازمین اور ہراسانی کے معاملات میں ملوث بااثر افسران کے خلاف سخت قانونی و انتظامی کارروائی کا آغاز کر رکھا تھا۔
بلیک میلنگ اور دھمکیاںان اقدامات کے ردِعمل میں مخالف دھڑوں اور بااثر عناصر کی جانب سے وائس چانسلر پر شدید دباؤ ڈالا گیا اور انہیں خبردار کیا گیا کہ اگر وہ اپنے فیصلوں سے پیچھے نہ ہٹے تو ان پر ہراسانی کے من گھڑت اور جھوٹے الزامات عائد کر کے انہیں زبردستی عہدے سے ہٹا دیا جائے گا۔
مسلسل درپیش اخلاقی و سیاسی دباؤ اور دھمکیوں کے بعد بالآخر وائس چانسلر نے مستعفی ہونے کا فیصلہ کیا۔ حکومتِ سندھ کی جانب سے فی الحال اس استعفے کو منظور کیے جانے یا نئے وائس چانسلر کی تعیناتی سے متعلق کوئی سرکاری بیان سامنے نہیں آیا ہے۔
لاہور (ایجوکیشن رپورٹر) پنجاب کے سرکاری سکولوں کے اساتذہ کیلئے نیا ڈریس کوڈ جاری کردیا…
اسلام آباد (ایجوکیشن رپورٹر) متروکہ وقف املاک بورڈ نے ٹرسٹ پراپرٹیز کی جیو ٹیگنگ کا…
کراچی (ایجوکیشن رپورٹر) سندھ کے سرکاری کالجوں میں جعلی حاضریوں کا انکشاف ہوا ہے، محکمہ…
کوئٹہ (ایجوکیشن رپورٹر) گورنر بلوچستان جعفر خان مندوخیل نے اعلان کیا ہے کہ سردار بہادر…
راولپنڈی (ایجوکیشن رپورٹر) فاطمہ جناح ویمن یونیورسٹی اور چین کی نارتھ ویسٹ ایگریکلچر اینڈ فاریسٹری یونیورسٹی…
اسلام آباد (ایجوکیشن رپورٹر) بین الاقوامی اسلامی یونیورسٹی اسلام آباد دنیا کی ٹاپ 500 اور…