نوٹیفکیشن جعلی، چھٹیوں میں اضافہ نہیں ہوا، وزیرِ تعلیم سندھ سید سردار شاہ

سندھ میں اسکولوں کی چھٹیوں میں اضافے کا کوئی فیصلہ نہیں ہوا، وزیرِ تعلیم سید سردار شاہ نے جعلی نوٹیفکیشن کی تردید کر دی

کراچی (تعلیمی رپورٹر) صوبائی وزیرِ تعلیم سندھ سید سردار شاہ نے سوشل میڈیا پر اسکولوں کی چھٹیوں میں اضافے کے حوالے سے گردش کرنے والے نوٹیفکیشن کو مکمل طور پر جعلی اور من گھڑت قرار دے دیا ہے۔

انہوں نے واضح کیا ہے کہ حکومت کی جانب سے چھٹیوں میں اضافے کا کوئی فیصلہ نہیں کیا گیا اور وائرل ہونے والی دستاویز حقائق کے برعکس ہے جس کا مقصد طلبہ، والدین اور تعلیمی اداروں میں بے چینی پھیلانا ہے۔

سید سردار شاہ نے عوام، والدین اور طلبہ سے اپیل کی ہے کہ وہ سوشل میڈیا پر پھیلنے والی غیر مصدقہ خبروں اور افواہوں پر کان نہ دھریں اور صرف محکمہ تعلیم کے

سرکاری ذرائع اور تصدیق شدہ اعلامیوں پر ہی بھروسہ کریں۔ حکام کا کہنا ہے کہ اس طرح کی جعلی خبریں تعلیمی نظام میں خلل ڈالنے کا باعث بنتی ہیں، لہٰذا ذمہ داری کا مظاہرہ کرتے ہوئے

کسی بھی نوٹیفکیشن کی تصدیق کے بغیر اسے شیئر کرنے سے گریز کیا جائے۔ محکمہ تعلیم نے واضح کیا ہے کہ اسکول معمول کے مطابق کھلیں گے اور کسی بھی تبدیلی کی صورت میں باقاعدہ سرکاری اعلان بروقت کر دیا جائے گا۔