ڈیرہ اسماعیل خان، گومل یونیورسٹی میں ڈیٹا سنٹر اور ون لنک سروس کا افتتاح

ڈیرہ اسماعیل خان (نامہ نگار) گومل یونیورسٹی کے قائم مقام وائس چانسلر پروفیسر ڈاکٹر نعمت اللہ بابر نے ڈائریکٹوریٹ آف آئی ٹی میں جدید ڈیٹا سنٹر اور ون لنک سروس کا باقاعدہ افتتاح کر دیا ہے۔

افتتاحی تقریب میں رجسٹرار عمران اللہ مروت، تمام شعبہ جات کے ڈینز، کنٹرولر امتحانات، ڈائریکٹر آئی ٹی ڈاکٹر محمد اعجاز خان، متعلقہ افسران اور آئی ٹی ڈائریکٹوریٹ کی ٹیم نے بڑی تعداد میں شرکت کی۔

اس موقع پر گفتگو کرتے ہوئے قائم مقام وائس چانسلر پروفیسر ڈاکٹر نعمت اللہ بابر کا کہنا تھا کہ مرکزی ڈیٹا سنٹر کا قیام گومل یونیورسٹی میں "ون ونڈو سروسز” کے تصور کو عملی جامعہ پہنانے کی جانب ایک اہم اور پیش رفتانہ قدم ہے۔

انہوں نے مزید کہا کہ اس مرکزی ڈیٹا سنٹر کے ذریعے یونیورسٹی کے مختلف شعبہ جات کے ڈیٹا کو ایک مربوط اور مرکزی نظام کے تحت مرتب، محفوظ اور ضرورت کے مطابق مؤثر انداز میں استعمال کیا جا سکے گا، جس سے انتظامی اور تعلیمی امور میں شفافیت اور بہتری آئے گی۔