Higher Education Commission (Pakistan)
ایچ ای سی کا جامعات کو وزیراعظم کی معاشی ہدایات پر فوری عملدرآمد کا حکم، کوتاہی پر سخت کارروائی کا انتباہ
اسلام آباد (نیوز رپورٹر) ہائر ایجوکیشن کمیشن پاکستان نے ملک بھر کی تمام یونیورسٹیوں اور ڈگری ایوارڈنگ اداروں کے لیے وزیراعظم کی ہدایت پر جاری کردہ معاشی احتیاطی تدابیر پر فی الفور عملدرآمد کرنے کے حوالے سے حتمی انتباہ جاری کر دیا ہے۔ کمیشن کے مطابق متعدد ادارے واضح ہدایات کے باوجود تاحال مطلوبہ معاشی اقدامات اور احتیاطی تدابیر کو یقینی بنانے میں سستی کا مظاہرہ کر رہے ہیں
جو کہ قومی وسائل کے تحفظ کی کوششوں کو نقصان پہنچانے کے مترادف ہے۔ ایچ ای سی نے دو ٹوک الفاظ میں واضح کیا ہے کہ 100 فیصد آن لائن کلاسز کا نفاذ، چار روزہ ورک ویک اور عملے کے لیے ‘ورک فرام ہوم’ پروٹوکولز پر عملدرآمد اب محض اختیاری نہیں بلکہ تمام اداروں کے لیے لازمی قرار دیا گیا ہے۔ اعلامیے میں تمام جامعات کے سربراہان کو ہدایت کی گئی ہے کہ وہ ان احکامات پر حرف و روح کے ساتھ عملدرآمد کو یقینی بنائیں
کیونکہ ان ہدایات کی خلاف ورزی کرنے والے اداروں کے خلاف سخت تادیبی کارروائی عمل میں لائی جائے گی۔ ایچ ای سی نے اس امر پر زور دیا ہے کہ موجودہ معاشی صورتحال کے پیش نظر تمام تعلیمی ادارے فوری طور پر ان پروٹوکولز کی تعمیل رپورٹ پیش کریں تاکہ قومی سطح پر وسائل کی بچت کے ہدف کو حاصل کیا جا سکے۔
خانیوال(نمائندہ خصوصی ) پبلک سکول اینڈ یونیورسٹی کالج میں سائیکلنگ مقابلےسائیکلنگ بچوں کی جسمانی صحت،…
تربت (نمائندہ حصوصی) گورنمنٹ گرلز ماڈل ہائی سکول تربت کی طالبات نے ریڈیو پاکستان تربت…
کوئٹہ (نمائندہ حصوصی) بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز نے اپنے سکول…
مالاکنڈ (نمائندہ حصوصی) کمشنر مالاکنڈ ڈویژن اقبال حسین باچا نے محکمہ تعلیم اور صحت میں…
ڈیرہ اسماعیل خان (نمایندہ اردہ تعلیم ڈاٹ کام) تعلیمی اداروں میں تدریسی و غیر تدریسی…
لاہور(ایجو کیشن رپورٹر) صوبے بھر کے تمام تعلیمی بورڈز نے انٹرمیڈیٹ کے دوسرے سالانہ امتحان…