لاہور میں افسوس ناک واقعہ نجی ٹیوشن سینٹر کی چھت گرنے سے 14 معصوم بچے جاں بحق

لاہور میں نجی ٹیوشن سینٹر کی چھت گرنے سے 14 معصوم بچے جاں بحق ہو گئے ہیں۔

لاہور(سپیشل رپورٹر)صوبائی دارالحکومت لاہور کے علاقے کاہنہ میں انتہائی افسوسناک واقعہ پیش آیا ہے، جہاں ایک گھر میں قائم نجی ٹیوشن سینٹر کی چھت اچانک منہدم ہونے سے 14 معصوم بچے جاں بحق ہو گئے ہیں۔ واقعہ میں 14 بچوں کے جاں بحق ہونے کی باقاعدہ تصدیق کر دی گئی ہے۔ ریسکیو حکام کے مطابق حادثے کے وقت ایک خاتون ٹیچر سمیت 20 سے 25 بچے ٹیوشن سینٹر کے اندر موجود تھے

ریسکیو حکام نے بتایا کہ واقعہ کی اطلاع شام 4:45 بجے موصول ہوئی، جس کے فوراً بعد امدادی ٹیمیں جائے وقوعہ پر پہنچیں اور ملبے تلے دبے بچوں کو نکالنے کے لیے ہنگامی آپریشن شروع کیا گیا۔اب تک 5 سے 6 بچوں کو بحفاظت ریسکیو کیا جا چکا ہے۔ حکام کے مطابق، ابتدائی طبی امداد کی فراہمی کے بعد 2 بچوں کو اسپتال سے ڈسچارج کر دیا گیا ہے جبکہ 4 بچے اب بھی زیرِ علاج ہیں، تاہم خوش قسمتی سے ان کی حالت خطرے سے باہر بتائی جاتی ہے۔

علاقہ مکینوں کا کہنا ہے کہ معصوم بچے روزمرہ کے معمول کے مطابق اکیڈمی میں ٹیوشن پڑھنے آئے ہوئے تھے کہ اس دوران یہ قیامت ٹوٹ پڑی پولیس کی ابتدائی تفتیش کے مطابق، جس وقت یہ حادثہ پیش آیا، ٹیوشن سینٹر کی بالائی (اوپری) منزل پر تعمیراتی کام چل رہا تھا، جبکہ بچے گراؤنڈ فلور پر پڑھائی میں مصروف تھے۔ تعمیراتی بوجھ یا غفلت کی وجہ سے چھت زمین بوس ہو گئی۔ پولیس نے فوری کارروائی کرتے ہوئے ٹیوشن سینٹر چلانے والے 5 افراد کو حراست میں لے لیا ہے اور حکام کا کہنا ہے کہ تفصیلی تحقیقات کے بعد تمام حقائق پبلک کیے جائیں گے۔

وزیراعظم محمد شہباز شریف نے کاہنہ میں ٹیوشن سینٹر کی چھت گرنے سے ہونے والے قیمتی جانوں کے ضیاع پر گہرے دکھ اور رنج کا اظہار کیا ہے۔ وزیراعظم نے جاں بحق ہونے والے بچوں کے درجات کی بلندی کے لیے دعا کی اور سوگوار لواحقین سے دلی تعزیت کا اظہار کیا۔ انہوں نے انتظامیہ کو ہدایت کی کہ زخمی بچوں کی جلد صحت یابی کے لیے انہیں ہر ممکن اور بہترین طبی امداد فراہم کی جائے۔وزیراعلیٰ پنجاب مریم نواز شریف نے واقعے کا سخت نوٹس لیتے ہوئے متعلقہ حکام سے حادثے کی تفصیلی رپورٹ طلب کر لی ہے اور زخمی بچوں کو علاج معالجے کی بہترین سہولیات دینے کا حکم دیا ہے۔یاد رہے گرمیوں کی چھٹیوں سے قبل اسی نوعیت کا ایک واقعہ ملتان میں بھی پیش آیا تھا جہاں سکول کی چھت گرنے سے متعدد بچے جاں بحق اور زخمی ہوئے تھے وہاں بھی بالائی چھت پر تعمیراتی کام جاری تھا

لاہور(سپیشل رپورٹر)صوبائی دارالحکومت لاہور کے علاقے کاہنہ میں انتہائی افسوسناک واقعہ پیش آیا ہے، جہاں ایک گھر میں قائم نجی ٹیوشن سینٹر کی چھت اچانک منہدم ہونے سے 14 معصوم بچے جاں بحق ہو گئے ہیں۔ واقعہ میں 14 بچوں کے جاں بحق ہونے کی باقاعدہ تصدیق کر دی گئی ہے۔ ریسکیو حکام کے مطابق حادثے کے وقت ایک خاتون ٹیچر سمیت 20 سے 25 بچے ٹیوشن سینٹر کے اندر موجود تھے

ریسکیو حکام نے بتایا کہ واقعہ کی اطلاع شام 4:45 بجے موصول ہوئی، جس کے فوراً بعد امدادی ٹیمیں جائے وقوعہ پر پہنچیں اور ملبے تلے دبے بچوں کو نکالنے کے لیے ہنگامی آپریشن شروع کیا گیا۔اب تک 5 سے 6 بچوں کو بحفاظت ریسکیو کیا جا چکا ہے۔ حکام کے مطابق، ابتدائی طبی امداد کی فراہمی کے بعد 2 بچوں کو اسپتال سے ڈسچارج کر دیا گیا ہے جبکہ 4 بچے اب بھی زیرِ علاج ہیں، تاہم خوش قسمتی سے ان کی حالت خطرے سے باہر بتائی جاتی ہے۔

علاقہ مکینوں کا کہنا ہے کہ معصوم بچے روزمرہ کے معمول کے مطابق اکیڈمی میں ٹیوشن پڑھنے آئے ہوئے تھے کہ اس دوران یہ قیامت ٹوٹ پڑی پولیس کی ابتدائی تفتیش کے مطابق، جس وقت یہ حادثہ پیش آیا، ٹیوشن سینٹر کی بالائی (اوپری) منزل پر تعمیراتی کام چل رہا تھا، جبکہ بچے گراؤنڈ فلور پر پڑھائی میں مصروف تھے۔ تعمیراتی بوجھ یا غفلت کی وجہ سے چھت زمین بوس ہو گئی۔ پولیس نے فوری کارروائی کرتے ہوئے ٹیوشن سینٹر چلانے والے 5 افراد کو حراست میں لے لیا ہے اور حکام کا کہنا ہے کہ تفصیلی تحقیقات کے بعد تمام حقائق پبلک کیے جائیں گے۔

وزیراعظم محمد شہباز شریف نے کاہنہ میں ٹیوشن سینٹر کی چھت گرنے سے ہونے والے قیمتی جانوں کے ضیاع پر گہرے دکھ اور رنج کا اظہار کیا ہے۔ وزیراعظم نے جاں بحق ہونے والے بچوں کے درجات کی بلندی کے لیے دعا کی اور سوگوار لواحقین سے دلی تعزیت کا اظہار کیا۔ انہوں نے انتظامیہ کو ہدایت کی کہ زخمی بچوں کی جلد صحت یابی کے لیے انہیں ہر ممکن اور بہترین طبی امداد فراہم کی جائے۔وزیراعلیٰ پنجاب مریم نواز شریف نے واقعے کا سخت نوٹس لیتے ہوئے متعلقہ حکام سے حادثے کی تفصیلی رپورٹ طلب کر لی ہے اور زخمی بچوں کو علاج معالجے کی بہترین سہولیات دینے کا حکم دیا ہے۔یاد رہے گرمیوں کی چھٹیوں سے قبل اسی نوعیت کا ایک واقعہ ملتان میں بھی پیش آیا تھا جہاں سکول کی چھت گرنے سے متعدد بچے جاں بحق اور زخمی ہوئے تھے وہاں بھی بالائی چھت پر تعمیراتی کام جاری تھا