QS World University Rankings
35 جامعات کیو ایس ورلڈ رینکنگ 2026 میں شامل
اسلام آباد (سپیشل رپورٹر) پاکستان کے ہائر ایجوکیشن سیکٹر کے لیے قابل فخر دن کیو ا یس انٹرنیشنل سبجیکٹ رینکنگ 2026 کے تازہ ترین اعداد و شمار جاری کر دیے گئے ہیں۔
اس سال پاکستان کی ریکارڈ 31 سرکاری اور 4 نجی شعبے کی جامعات نے عالمی فہرست میں اپنی جگہ بنائی ہے۔
رینکنگ کے مطابق، پاکستان کے زیادہ تر تعلیمی ادارے بین الاقوامی سطح پر 200 سے 400 کے بہترین بریکٹ میں رہے ہیں، جو کہ عالمی تعلیمی معیار کے حصول کی جانب ایک بڑا قدم ہے۔
نمایاں کارکردگی دکھانے والی جامعات
رینکنگ میں بہترین کارکردگی دکھانے والے اداروں میں نسٹ (NUST)، یو ای ٹی لاہور، کامسیٹس (COMSATS)، پیاس (PIEAS)، قائد اعظم یونیورسٹی (QAU)، پنجاب یونیورسٹی، جی سی یو لاہور، بی زیڈ یو ملتان، آئی یو بی (IUB)، زرعی یونیورسٹی، لمز (LUMS)، کراچی یونیورسٹی، آئی بی اے کراچی، آغا خان یونیورسٹی (AKU)، حبیب یونیورسٹی، یونیورسٹی آف بلوچستان اور جامعہ پشاور شامل ہیں۔
ایچ ای سی کی کاوشوں کا اعتراف
ماہرینِ تعلیم نے اس شاندار کامیابی پر وائس چانسلرز، ریکٹرز اور فیکلٹی ممبران کو مبارکباد پیش کی ہے۔ خاص طور پر قومی "ایچ ای سی رینکنگ کمیٹی” کی کوششوں کو سراہا گیا ہے جس نے ملک میں عالمی مقابلے کا رجحان پیدا کیا اور اداروں کو بین الاقوامی سطح پر مقابلہ کرنے کے لیے سازگار ماحول فراہم کیا۔
ذرائع کے مطابق، جلد ہی ایچ ای سی کی سطح پر ان 35 اداروں کی کامیابی کا جشن منانے کے لیے ایک خصوصی تقریب بھی منعقد کی جائے گی۔
پشاور (سپیشل رپورٹر) خیبر پختونخوا کے محکمہ آرکائیوز اینڈ لائبریریز کے چیف لائبریرین ڈاکٹر محمد…
خانیوال(نمائندہ خصوصی ) پبلک سکول اینڈ یونیورسٹی کالج میں سائیکلنگ مقابلےسائیکلنگ بچوں کی جسمانی صحت،…
تربت (نمائندہ حصوصی) گورنمنٹ گرلز ماڈل ہائی سکول تربت کی طالبات نے ریڈیو پاکستان تربت…
کوئٹہ (نمائندہ حصوصی) بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز نے اپنے سکول…
مالاکنڈ (نمائندہ حصوصی) کمشنر مالاکنڈ ڈویژن اقبال حسین باچا نے محکمہ تعلیم اور صحت میں…
ڈیرہ اسماعیل خان (نمایندہ اردہ تعلیم ڈاٹ کام) تعلیمی اداروں میں تدریسی و غیر تدریسی…