VC UET Lahore
یو ای ٹی انجینئرنگ و ٹیکنالوجی کے میدان میں دنیا کی بہترین 201 جامعات میں شامل
لاہور ( ایجو کیشن رپورٹر) ورلڈ کیو ایس کی جانب سے دنیا بھر کی انجینئرنگ یونیورسٹیوں کی تازہ ترین عالمی رینکنگ جاری کر دی گئی ہے، جس میں یونیورسٹی آف انجینئرنگ اینڈ ٹیکنالوجی (یو ای ٹی) لاہور نے شاندار کارکردگی کا مظاہرہ کرتے ہوئے 201 ویں پوزیشن حاصل کر لی ہے۔
گزشتہ سال یو ای ٹی لاہور انجینئرنگ اینڈ ٹیکنالوجی کے میدان میں 205 ویں پوزیشن پر تھی، جبکہ 2026 کی رینکنگ میں یونیورسٹی نے چار درجے بہتری حاصل کر کے نمایاں پیش رفت کی ہے۔
اسی طرح دیگر مضامین کے لحاظ سے بھی یو ای ٹی لاہور کی کارکردگی قابلِ تحسین رہی۔ پیٹرولیم انجینئرنگ کے شعبے میں یونیورسٹی 51-100 کی عالمی درجہ بندی میں شامل رہی، جبکہ انجینئرنگ اینڈ ٹیکنالوجی کے وسیع شعبے میں 201 ویں پوزیشن حاصل کر کے دنیا کی بہترین جامعات میں اپنی جگہ بنائی۔
الیکٹریکل اور مکینیکل انجینئرنگ میں 201-250 جبکہ سول انجینئرنگ میں 201-275 کی درجہ بندی حاصل کی گئی۔ اسی طرح میٹریل سائنسز اور کیمیکل انجینئرنگ میں 301-350، کمپیوٹر سائنس میں 351-400، ریاضی میں 401-450 اور فزکس میں 551-600 کی پوزیشن حاصل ہوئی۔
مزید برآں، بزنس اینڈ مینجمنٹ سائنسز میں 601-650 جبکہ کیمسٹری میں 601-700 کی عالمی درجہ بندی حاصل کرنا ادارے کی ہمہ جہت تعلیمی ترقی کا واضح مظہر ہے۔
اس موقع پر وائس چانسلر یو ای ٹی پروفیسر ڈاکٹر شاہد منیر کا کہنا تھا کہ یہ کامیابیاں یو ای ٹی لاہور کی اعلیٰ تعلیمی روایات، معیاری تحقیق، اور اساتذہ و طلبہ کی مسلسل محنت اور لگن کا نتیجہ ہیں، جو ادارے کو قومی و بین الاقوامی سطح پر مزید ممتاز اور باوقار بنا رہی ہیں۔
ملک کی تعلیمی تاریخ میں پہلا بڑا قدم: پرائمری سطح پر آرٹیفیشل انٹیلی جنس لازمی…
محکمہ ہائر ایجوکیشن پنجاب میں اثر و رسوخ اور اقربا پروری کا راج؛ ڈیپوٹیشن اور…
پشاور (نیوز رپورٹر) یونیورسٹی آف پشاور نے ڈپلوما، سرٹیفکیٹ اور مختلف پروگراموں میں زیرِ تعلیم…
اسلام آباد (تعلیمی رپورٹر) قائد اعظم یونیورسٹی اسلام آباد میں مستقل وائس چانسلر کی طویل…
پشاور (نیوز رپورٹر) ایلیمنٹری اینڈ سیکنڈری ایجوکیشن نے صوبہ بھر کے تمام سرکاری اسکولوں کے…
لاہور (خصوصی رپورٹر) محکمہ خصوصی تعلیم (اسپیشل ایجوکیشن) پنجاب نے حکومت کے فلیگ شپ "ہمت…