شکارپور میں خاتون استاد سے فون پر بدتمیزی اور نازیبا الفاظ کا معاملہ، وزیر تعلیم کا متعلقہ استاد معطل، باقاعدہ انکوائری کا حکم

کراچی (سٹاف رپورٹر) شکارپور میں خاتون استاد سے فون پر گفتگو کے دوران غیر مناسب رویے اور نازیبا الفاظ کے استعمال کا معاملہ سامنے آنے پر وزیر تعلیم سندھ سردار علی شاہ نے سخت نوٹس لے لیا ہے۔

صوبائی وزیر تعلیم سردار علی شاہ کے احکامات پر فوری پیش رفت کرتے ہوئے گورنمنٹ بوائز اسکول آغا سلیم کے متعلقہ استاد کو معطل کر دیا گیا ہے۔ اس کے علاوہ انہوں نے محکمہ اسکول ایجوکیشن کو معاملے کی باقاعدہ اور شفاف انکوائری کرنے کی ہدایت بھی جاری کر دی ہے۔

وزیر تعلیم سندھ نے واضح ہدایت کی ہے کہ خاتون استاد سے غیر مناسب رویے اور نازیبا الفاظ کے استعمال پر ملوث استاد کے خلاف رولز کے مطابق سخت سے سخت قانونی و انتظامی کارروائی عمل میں لائی جائے۔