لاہور (نیوز ڈیسک) پنجاب کے تعلیمی اداروں میں شدید گرمی، ہیٹ ویو الرٹ اور عیدالاضحیٰ کی تعطیلات کے پیشِ نظر اس بار موسم گرما کی چھٹیاں معمول سے پہلے شروع ہونے کا قوی امکان ہے۔ صوبائی وزیر تعلیم رانا سکندر حیات کا کہنا ہے کہ چھٹیوں کے حوالے سے حتمی فیصلہ 11 مئی کو کیا جائے گا۔
وزیر تعلیم رانا سکندر حیات نے میڈیا سے گفتگو کرتے ہوئے انکشاف کیا کہ محکمہ تعلیم کی جانب سے 22 مئی سے 2 اگست تک موسم گرما کی تعطیلات کی تجویز زیرِ غور ہے۔ ذرائع کے مطابق عیدالاضحیٰ کی ممکنہ تعطیلات 27 سے 29 مئی تک متوقع ہیں، جبکہ اس کے بعد ہفتہ وار تعطیلات کے باعث ایک طویل وقفہ بن رہا ہے۔ اسی صورتحال کو مدنظر رکھتے ہوئے اسکولوں کو یکم جون کے بجائے 27 مئی سے ہی بند کرنے کی تجویز دی گئی ہے۔
صوبائی وزیر نے مزید کہا کہ تعلیمی سیشن کو موثر بنانے کے لیے گرمیوں اور سردیوں کی چھٹیوں میں کمی کی تجویز بھی سامنے آئی ہے تاکہ تعلیمی دنوں کی سالانہ تعداد کو 180 سے بڑھا کر 190 تک پہنچایا جا سکے۔
وزارتِ تعلیم اس بار موسم گرما میں سمر کیمپ لگانے کی تجویز پر بھی غور کر رہی ہے۔ دوسری جانب نجی اسکولوں کی تنظیموں نے حکومت سے مطالبہ کیا ہے کہ طلبہ کے تعلیمی نقصان کو پورا کرنے کے لیے صبح 7 سے 10 بجے تک سمر کیمپس لگانے کی اجازت دی جائے تاکہ شدید گرمی سے بچتے ہوئے تدریسی عمل جاری رکھا جا سکے۔
کراچی (ایجو کیشن رپورٹر)سر سید یونیورسٹی آف انجینئرنگ اینڈ ٹیکنالوجی کراچی کے شعبہ سپورٹس کے…
پشاور (سپیشل رپورٹر) خیبر پختونخوا کے محکمہ آرکائیوز اینڈ لائبریریز کے چیف لائبریرین ڈاکٹر محمد…
خانیوال(نمائندہ خصوصی ) پبلک سکول اینڈ یونیورسٹی کالج میں سائیکلنگ مقابلےسائیکلنگ بچوں کی جسمانی صحت،…
تربت (نمائندہ حصوصی) گورنمنٹ گرلز ماڈل ہائی سکول تربت کی طالبات نے ریڈیو پاکستان تربت…
کوئٹہ (نمائندہ حصوصی) بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز نے اپنے سکول…
مالاکنڈ (نمائندہ حصوصی) کمشنر مالاکنڈ ڈویژن اقبال حسین باچا نے محکمہ تعلیم اور صحت میں…